HPGyî pê eşkerayîyêka nuştekîye nasnameyê 2 şehîdan eşkera kerdî. Eşkerayîye HPGyî wina ya:

''10-15ê teşrîna peyêne ya 2020î de artêşa tirke ya îşxalkere Çelê û Zap de operasyonêk dabi destpêkerdene. Şer û hêrişanê hewayî de embazê m Gelhat û Zindan şehîd bîyê.

Tarîx de Kurdîstan wayîrê xeylêk destananê çêran kerd û nika zî çêran awan keno. Sayê nê çêran de îşxalkerî nêeşkenê Kurdîstanî bivisnê destî û şarê ma qir bikerê. Domanê çerî yê şarê ma tehamul nêkenê ke versîya dişmenî bikewa Kurdîstanî. Sayê têkoşînê çêran û felsefeya Rayber Apoyî de erjê demokratîkî yê merdimîye ewro rayberîye kenê. Bedelê ci se beno wa bibo ma do nê têkoşînî ra fek vera bidê û ma do sozê xo yê caardişê azadîye bîyarê ca.

Embazê ma Gelhat û Zindan seba ke bibê parçeyê nê têkoşînî bi hawayêkê mesuldarî tewrê gerîlayan bîyî. Wird embazê ma zî tim pê mesuldarî têgêrayî û xorinkerdişê felsefeya Rayber Apoyî û gerîlatîya moderne xo rê kerde armanc. Embazê ma Gelhat û Zindan perwerdeyê îdeolojîkî de ser kewtî û cepheyê Zapî de tewrê têkoşînî bîyî. Embazanê ma 2018î ra heta 2020 xeylêk çalakîyan de ca girewt. Embazê ma Gelhat û Zindan pê tewrbîyayîşê xo yê fedakarî embazanê xo rê bîyî mîsal û sembol ke ganî milîtabê Rayber Apoyî senî bibê.

Sere de keyeyanê ercîyayeyan ê embazanê ma rê ma pêro şarê welatperwerî yê Kurdîstanî rê serweşîye wazenê. Ma sozê xo dibare kenê ke vîrameyîşanê embazanê xo gandar verdê.''