Merkezê Îrtîbatî û Çapemenîye yê HPGyî 6 şehîdî yad kerdî. Eşkerayîya HPGyî wina ya:

''29ê temmuza 2017î de artêşa tirke ya îşxalkere warê Tehtereşî yê qezaya Şaxî yê Wanî de operasyonêk kerd û mabênê hêzanê ma û artêşa îşxalkere de pêkewtişê giranî qewimîyayî. Nê pêkewtişan de embazê ma Toprak, Serhat, Serdar, Alî, Çîçeke, Botan û Şoreş şehîd bîyî. Ma nê embazanê xo yê ercîyayeyan serrgêra şehadetê înan bi rêzdarî yad kenê. Nasnameyê embazanê ma yê şehîdan wina yê:

Nameyê Qodî: Toprake Gever Name û Peyname: Barane Şahînoglu Cayê Bîyayîşî: Colemêrg Maye-Pî: Perîzate – Mahmut Tarîx û Cayê Şehadetî: 19ê Temmuza 2017î / Botan

 

Nameyê Qodî: Serhat Colemêrg Name û Peyname: Habip Pala Cayê Bîyayîşî: Colemêrg Maye-Pî: Zulfîye – Haci Tarîx û Cayê Şehadetî: 19ê Temmuza 2017î / Botan

 

Nameyê Qodî: Serdar Cudî Name û Peyname: Şerif Akdogan Cayê Bîyayîşî: Colemêrg Maye-Pî: Fadile – Alî Tarîx û Cayê Şehadetî: 19ê Temmuza 2017î / Botan

 

Nameyê Qodî: Alî Çîçek Hezex Name û Peyname: Zekî Şaman Cayê Bîyayîşî: Mêrdîn Maye-Pî: Havvahane– Tevfîk Tarîx û Cayê Şehadetî: 19ê Temmuza 2017î / Botan

 

Nameyê Qodî: Botan Xerzan Name û Peyname: Kajîn Gunerî Cayê Bîyayîşî: Sêrt Tarîx û Cayê Şehadetî: 19ê Temmuza 2017î / Botan

 

Nameyê Qodî: Şoreş Xinis Name û Peyname: Orhan Kanar Cayê Bîyayîşî: Erzirom Tarîx û Cayê Şehadetî: 19ê Temmuza 2017î / Botan

Embaze Toprake Gever de dadîya xo ra bîya û pê tesîrê embazîya PKKyî tewrê gerîlayan bîye. Aye Xakûrkê ra heta Zap, Avaşîn, Qendîlî têkoşîn kerd. Aye xeta azadîya cinîyan ser o xo aver berd û warê weşîye de sey yew doxtore xo perwerde kerd. Aye birînê embazanê xo kerdî weş, tedawîya înan kerde. Dima aye pê îdîaya fermandarêka doktore akademîyan de perwerde dî û derbaza warê Vakurî bîye. Aye warê Vakurî de zî xeylêk embazê xo kerdî weş, hem wezîfeyê fermandarîye hem zî wezîfeyê doxtorîye ardî ca. Aye tim waşt ke sey fermandaran Zîlane, Êrîş û Andokan çalakîya fedayîye bikera. 

Embaz Serhat Colemêrg de dadîya xo ra bîyo la semedo ke dewa înan ameye vêşnayene keyeyê xo de koçê merkezê Colemêrgî. Embaz Serhat ciwanîya xo de tewrê karanê ciwanan bi û 2012 de warê Kato Marînosî yê Botanî de tewrê gerîlayan bi. Embaz Sehatî waranê Marînos, Besta, Kato Xelîla û Kato Jîrka de tim bêmabên têkoşîn kerd û pê kesayetê xo yê fedakarî û kedkarî şinasîya. Ey tim xîret kerd ke pêro wezîfeyê xo bîyaro ca.

Embaz Serdar Colemêrg de dadîya xo ra bîyo. Embaz Serdar cigêrayîşan ra dima 2013 de tewrê gerîlayan bi û ey waranê Zap û Cîloyî de gerîlatîye kerde. Embaz Serdarî xoverdayîşê Şingalî yê vera Colemêrgî de ca girewt û dima reyna agêra koyanê Vakurê Kurdîstanî. Embaz Botan cade gerîlatîya Vakurî rê reyna adapte bi û sey fermandarêkî tîman de cayê xo girewt.

Embaz Alî dewa Bafê ya Hezexî de dadîya xo ra bîyo û wextê xoverdayîşê Kobanê de tewrê gerîlayan bi. Embaz Alî verî warê Gabarî yê Botanî de wezîfe kerd û hem perwrdeyo îdolojîk hem zî perwerdeyo leşkerî dî. Embaz Alî 2015 de agêra warê Botanî û ey Besta ra heta Kato Jîrka, Kato Xelîla her ca de wezîfe kerd. Bi taybetî çalakîyanê 2015-2016î de ey derbê giranî dayî dişmenî ro. O wextêkê kilmî de bi fermandar û bombardumanê 29ê temmuza 2017î de bi birîndar. La ey bi halê xo yê birîndarî Tehtereş de vera dişmenî şer kerd û nêverda dişmen aver bêro. Ey sey fermandarêkê çêrî nameyê xo tarîxî ser o nuşt.

Embaz Botan qezaya Baykanî ya Sêrtî de dadîya xo ra bîyo. Dima ke derdkênaya ci Dîlane Xerzan şehîd bîya û DAÎŞî hêrişê Şingalî kerd embaz Botanî Yewinanê Xoverdayîşê Şingalî de ca girewt. Embaz Botanî Şingal de tewrê xeylêk çalakîyan bi. Zimistanê 2015-2015î de dima ke dewleta tirke bi barbarî hêrişê xoverdayîşê xoîdarekerdişî kerd embaz Botan pê hêrs û hîsê qesasî derbazê Vakurê Kurdîstanî bi. Embaz Botanî tim xîret kerd ke derbanê giranan bido dişmenî ro. 

Embaz Şoreş Xinisî qezaya Xinisî ya Erziromî de dadîya xo ra bîyo. Embaz Şoreş wexto ke metropolanê Tirkîya de xebitîyayêne pê hesîya ke dewlete senî nêzdîyê kurdan bena. Dima ke apê ey Şoreş Xinis Xoverdayîşê Kobanê de şehîd bi embaz Şoreş 2015 de tewrê gerîlayan bi. Embaz Şoreşî cayanê cîya-cîyayanê Vakurê Kurdîstanî de gerîlatîye kerde û derbê giranî dayî dişmenê îşxalkerî ro. 

Koyê Botanî yê ke şahîdê bi hezaran hîkayeyanê çêrî yê warê Tehtereşî de 29ê temmuza 2017î de şahîdê xoverdayîşê çêrî yê embazanê ma zî bîyî. Şorişê Azadîya Kurdîstanî yo ke armanc û xeyalê Toprake, Alî Çîçek, Botan, Serhat, Serdar û Şoreşî yo qetî do bêro caardene. Ma sere de keyeyanê ercîyayeyan ê embazanê ma rê pêro şarê welatperwerî yê Kurdîstanî rê serweşîye wazenê.''