HPGyî pê eşkerayîyêka nuştekîye 5 şehîdî yad kerdî. Eşkerayîya HPGyî wina ya: ''Têkoşînê Azadîye yê Kurdîstanî tarîxê destanan o ke çêranê bêmergan pê bedelanê giranan aferna. TCyo îşxalker estbîyayîşê gerîlayan sey tehluke vîneno, wazeno ke gerîlayan tasfîye bikero. Artêşa TCyî ya faşîste derbanê giranan wena, wazena pê firsendanê teknîkî şer bida dewamkerdene. 

Gerîlayê azadîye xoverdayîş bi xurtî dewam kenê û seba ke bibê cewabê menfaatanê şarê xo ver bi şehetî şinê. Şehîdanê ma pê ruhê Rayber Apoyî hîşmendî û perwerîye daye embazanê xo. Embazanê ma Baran, Rûbar, Sarya, Serbest û Şerko  16ê hezîrana 2019î de Newala Cehennemî ya qezaya Hezexî ya Şirnexî de şerê vera artêşa TCyî ya îşxalkere de bi çêrî şer kerd û şehîd bîyî. Zanayîşê derheqê embazanê ma de wina yê:

Nameyê Qodî: Baran Berat Name û Peyname: Yilmaz Begîç Cayê Bîyayîşî: Wan Maye-Pî: Nûriye-Hasan Tarîx û Cayê Şehadetî: 16ê Hezîrana 2019î / Hezex    Nameyê Qodî: Rûbar Sosin Name û Peyname: Fehmî Yîgît Cayê Bîyayîşî: Şirnex Maye û Pî: Hatîce-Yûsûf Tarîx û Cayê Şehadetî: 16ê Hezîrana 2019î / Hezex Nameyê Qodî: Sarya Rûken Name û Peyname: Emîne Toy Cayê Bîyayîşî: Mêrdîn Maye-Pî: Hediye-Hamo Tarîx û Cayê Şehadetî: 16ê Hezîrana 2019î / Hezex Nameyê Qodî: Serbest Caf Name û Peyname: Danyar Kamîl Cayê Bîyayîşî: Helebce Maye-Pî: Sadîye-Kamîl Tarîx û Cayê Şehadetî: 16ê Hezîrana 2019î / Hezex Nameyê Qodî: Şêrko Kobanî Name û Peyname: Ahmet Mûhammed Cayê Bîyayîşî: Kobanê Maye-Pî: Ayşe-Xelîl Tarîx û Cayê Şehadetî: 16ê Hezîrana 2019î / Hezex

Embazê ma Baran, Rûbar, Sarya, Serbest û Şerko her parçeyê cîya yê Kurdîstanî de dadîya xo ra bîyî û nê embazanê ma her zemînê têkoşînî de heta peynîye vera îşxalkeran şer kerd.Têgêrayîşê Azadîye mîrasê şehîdan o. Baran, Rûbar, Sarya, Serbest û Şerko heta çila peyêne ya gonîya xo vera îşxalkeran şer kerd û seba azadîya şarê kurdî fedakarîye kerde.

Sere de keyeyanê înan ê ercîyayeyan, ma pêro şarê Kurdîstanî yê welatperwerî rê serweşîye wazenê û soz danê ke ma do pê serkewtişî wayîrê vîrameyîşanê şehîdan bivejîyê.''