Merkezê Îrtîbatî û Çapemenîye yê HPGyî pê eşkerayîyêke 2 gerîlayî yad kerdî.

Eşkerayîya HPGyî wina ya:

''1ê gulana 2020î de embazê ma Rojhilat û Sozdare wexto ek serê wezîfeyê xo de bibî bombardumanêk de şehîd bîyî. Ma embazanê xo yê fedayîyan serrgêra şehadetê înan de bi rêzdarî yad kenê. Nasnameyê embazanê ma yê şehîdan wina yê:

PKKyo ke partîya şehîdan a, famkerdişo raştikên ê raştîya şehadetî eşkera keno. Partîya ma ya ke vîrameyîşê şehadetê Hakî Karerî yê 18ê gulana 1977î ser o ronîyaye, ewro zî rayberîya Têkoşînê Azadîye yê Kurdîstanî kena.Qerardarî û xîretê têkoşînî yê PKKyî raştîya manaya şehadetî ra yenê. Menga gulane zî a menga ke tede xoverdayîş û şehadetê pîlî qewimîyayî. Embazî Rojhat û Sozdare zî sey parçeyêkê çemberê şehîdanê menga gulane do bibê sebebê têkoşînê ma.

Embaz Rojhilat Agirî de dadîya xo ra bi. Embaz Rojhilat wexto ke têkoşînê apogîran şinasneno şarê xo û Kurdîstan zêdêr şinasneno û vera polîtîkayanê înkar û asîmîlasyonê dewleta tirke zêdêr hêrs beno. Embaz Rojhilat 2005 de tewrê gerîlayan û Hêzanê Taybetan bi. Embaz Rojhilatî pê vengê xo yê rindekî hesreta xo ya azadîya şarê xo arde ziwan û tim bi çimeyê moralî. Embaz Rojhilatî pêro wezîfe û mesuldarîyê xo ardî ca û tim kerd ke têkoşîn pîl bikero. Zelalîya ci ya tewirê leşkerî, asanîya embazîya ci û qerardarîya ci ya seba embazîya Rayber Apoyî kerd ke o bibo fermandarêkê Hêzan ê Taybetan ê Gerîlatîya Modernîteya Demokratîke.

Embaze Sozdare Şirnex de dadîya xo rabi û wextê hêrişanê giranan ê dişmenî de tewra gerîlayan bîye. Embaze Sozdare pê perwerdeyê xo azadîya cinîyan de bîye xorine û sey cinîyêka kurde koyanê Kurdîstanî de bîye sembola cinîya azade. Embaze Sozdare pê dîsîplîn, marîfet, zerrînizmî, kedkarîya xo embazanê xo rê bîye mîsal û heta şehadetê xo nê taybetmendîyê xo pawitî, bi nê hawayî zî tewrê kerwanê bêmergan bîye.

Ma sere de keyeyanê ercîyayeyan ê embazanê ma yê fedayîyan rê şarê welatperwerî yê Kurdîstanî rê serweşîye wazenê. Ma soz danê ke vîrameyîşê înan pê têkoşînê xo bidê ciwîyayene.''