Merkezê Îrtîbatî û Çapemenîye yê HPGyî pê eşkerayîyêke nasnameyê 5 gerîlayanê Şemzînanî ke 2018î de şehîd bîyî eşkera kerdî. Eşkerayîye wina ya:

''9ê temmuze ya 2018î de qezaya Şemzînanî ya Colemêrgî de  netîceya pêkewtişê ke mabênê hêzanê ma û îşxalkeran de qewimîyayî û  hêrişanê hewayî  de herêma Herkî  de hemrayê ma Delîl, Esere, Harûn, Rûkene û Vîyane şehîd bîyî.

Nasnameyê gerîlayanê ke şehîd bîyî wina yê:

Nameyê Qodî: Delîl Bahoz Name û Peyname: Nurettîn Mustafayî Cayê Bîyayîşî: Nurettîn Mustafayî Maye-Pî: Besra – Mûstafa Tarîx û Cayê Şehadetî: 9ê Temmuze 2018 / Şemzînan

 

Nameyê Qodî: Esere Erdal Name û Peyname: Fatma Bor Cayê Bîyayîşî: Colemêrg Maye-Pî: Akîse – Suleyman Tarîx û Cayê Şehadetî: 9ê Temmuze 2018 / Şemzînan

 

Nameyê Qodî: Harûn Adar Gabar Name û Peyname: Şaban Saginç Cayê Bîyayîşî: Wan Maye-Pî: Muslume – Hosrov Tarîx û Cayê Şehadetî: 9ê Temmuze 2018 / Şemzînan

 

Nameyê Qodî: Rûkene Êrîş Avent Name û Peyname: Eyleme Bartin Cayê Bîyayîşî: Colemêrg Maye-Pî: : Delale – Halît Tarîx û Cayê Şehadetî: 9ê Temmuze 2018 / Şemzînan

 

Nameyê Qodî: Vîyane Yilmaz Name û Peyname: Gullu Tînîç Cayê Bîyayîşî: Wan Maye-Pî: Nadîrşahe – Resûl Tarîx û Cayê Şehadetî: 9ê Temmuze 2018 / Şemzînan

Hemrayê ma Delîlo ke keyeyêko welatperwer ê  bajarê Maku yê Rojhelatê Kurdîstanî de ameyo dinya pê kulturê xoverdayîşî yê qedîmî bîyo pîl. Embaz Delîlo ke vera polîtîkaya îmhakare ya dişmenî verê xo da koyanê azadan 8 serrî Zagrosan de mend û prtatîgê gerîlatîye de bi mîlîtano serkêş û fedaî. Embaz Delîl do tim sey qehremanê Zagrosî mucadeleyê ma de biciwîyo.

Embaze Esera ke Colemêrg de ameya dinya  dormeyo ke seba  têgêrayîşê azadîye bedelî ameyî dayene de bîya pîl. Hemra Esera ke serranê unîversîte de 2014 de vera sîstemê qirkerdişî yê dewleta tirke mîyanê sefanê gerîlayan de cayê xo girewt her tim xo aver berd û Zagros de bîye gerîlaya serkewtîye. Embaze Esere do tim sey sembolê xoverdayîşê cinîyan mucadeleyê ma de biciwîyo.

Embaz Harûno ke keyeyêko welatperwer ê Wanî de ame dinya zulme dewleta tirke ya faşîste xorî hîs kerd û verê sîstemê hêrişkarî de milê xo çewt nêkerd û mîyanê mucadeleyî de ca girewt. Embaz Harûno ke bi fedakarîye û kedkarîye yeno naskerdene  kulturo kedkar û xoverdayox pîya bi felsefeyê Rayberîye  şayî pê û berpirsîyarîya xo ya tarîxî bi serkewtişş arde ca. Harûn embaz do tim sey sembolê kede mîyanê mucadeleyê ma de bêro vîrardene.

Embaza ma Rûkene keyeyêko welatperwer ê Geverî de ameya dinya. Hema serranê xo yê ciwanîye de têgêrayîşê azadîye rê eleqedar bena. Embaze  Rûkena ke nêzdî ra hêrişanê dewleta tirke yê wehşîyan yê vera kurdan vînena serra 2019î de verê xo dana sefanê gerîlayan. Hemra Rûkena ke xeylêk waran de wezîfeyê xo ard ca 2014 de gama ke DAÎŞî hêrişê şarê ma êzidîyan kerd grûba verêne de şîye Şingal. Badê xelisnayîşê Şingalî verê xo reyna açarna koyan. Embaze Rûken do tim sey mîlîtana serkêşe ya têgêrayîşê azadîye bêro vîrardene.

Embaze Vîyane keyeyêko welatperwer ê Wanî de ameye dinya û pê kulturê xoverdayîşî bîye pîl. Embaze Vîyane Semedê pawitişê şar û erdê xo 2014 de  verê xo da koyanê Kurdîstanî û demo kilm de xo aver berd, pê îdeolojîya xelisnayîşê cinîye ya Rayber Apoyî xo resna. Embaze Vîyana ke cuya gerîlatîye wezîfeyê cîya cîyayî girwetî xo ser û heme bi serkewtişî ardî ca nameyê xo Mucadeleyê Azadîye yê Kurdîstanî de pê herfanê zerdinan nuşt.

Sere de keyeyanê ercîyayeyan ê embazanê ma rê, ma heme şarê welatperwerî yê Kurdîstanî rê serweşîye wazenê. Ma soz danê ke ma do têkoşînê embazanê xo yê şehîdan ser bifinê''