Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

Metîna

''Çaçewa Hemleya Şorişgêre ya Cengê Xabûrî de 5ê temmuze de Qilê Şehîd Çîyayî yê herêma Hirore de vera îşxalkeran çalakîyêke ameye kerdene. Çar mewzîyê ke leşkerî tede bî biîsabet ameyî pirordayene. Çalakîye de 4 îşalkerî ameyî kiştene û cepxaneyêk de teqayîş qewimîya. Badê çalakîye îşxalkeran bi helîkopteranê Skorskan waşt herême ra merde û birîndarê xo bikirişê. Hêzanê ma helîkopterî hedef girewtî ê mecbur mendî ke herême ra biremê.

Avaşîn

Çarçewa Hemleya Şorişgêre ya Bazanê Zagrosî de 5ê temmuze de warê Werxelê îşxalkerê ke ver bi mewîzîyanê şerî waşt aver şirê ameyî pirodayene. Îşxalkeranê de derbî werdî biney peyser ancîyayî. Eynî roje saetanê şanî de artêşa tirke yew kutîka detektor girêda û şawit mewzîyanê şerî. Kutik ame bêtesîrkerdene û detektor destê hêzanê ma de yo. Îşxalkerî vera mewzîyanê şerî yê warê Girê Sorî pê bombayanê gazî û hacetanê teqayîşî hêrişî rê dewam kenê.

Talankerdişê xoza û gazê kimîyewîyî

Destpêkerdişê operasyonî ra nata îşxalkerê ke raştê xoverdayîşê hêzanê gerîlayan ameyî û nêeşkenê aver şirê vera gerîlayanê ma gazê kîmyewîyî şuxulnenê û cogrfayaya Başûrê Kurdîstanî talan kenê. Artêşa tirke herême de daran birnena û şewat vejena.

Bombardumanî

5ê temmuze de erazîya dewa Hirorê ya herêma Metîna û  mewzîyê şerî yê warê Werxelê yê herêma Avaşînî pê teyarayanê şerî ameyî bombardumankerdene. Eynî roje herêma Zapî de zî  warê Cîloya Biçûk, Herfa Tyî de têgêrayîşê helîkopteran qewimîya û warê Şamkê, Hehîd Tufan,  û Herfa Tyî pê helîkopteranê hêrişî ameyî bombardumankerdene. 6ê temmuze de zî warê Çemço, Sîda û dewa Rêçbiraxa sînorî ra pê obusan ameyî bombardumankerdene. Reyna warê Deşta Nehlê yê qezaya Akrê zî pê teyarayanê şerî ame bombardumankerdene. Şewato ke rîyê hêrişî ra vejîya hema dewam keno. Nê hêrişan de zirarêk nêresa hêzanê ma.''