Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê îşxalî yê dewleta tirke de eşkerayîye daye û nê pare kerdî:

''15ê hezîrane de  îşxalkerê ke Girê Azadan ê herêma Metîna ra ver bi erazîya dewa Serero şîyêne mabênê înan û hêzanê ma de pêkewtişê giranî qewimîyayî. Nê pêkewitşan de 3 îşxalkerî ameyî cezakerdene. Hemrayê ma Demhet Kobanê yo  ke bi şerkerdişê qeheremankî derbeyê pîlî dayî dişmenî ro,  tewrê kerwanê şehîdan bi.

Nasanmeyê embazê ma yê şehîdî wina yo:

Nameyê Qodî:  Demhat Kobanê Name û Peyname: Heysem Şêxo Cayê Bîyayîşî: Kobanê Maye-Pî: Şemsê – Şêxo Tarîx û Cayê Şehadetî: 15ê Hezîrana 2021î / Metîna

Hemrayê ma Demhat keyeyêko welaperwer ê Kobanê de ameyo dinya  û gama ke çeteyanê DAÎŞî hêrişê Kobanê ke kerd caardişê wezîfeyê welatperwerdîye  sey deynî dî û xoverdayîş de cayê xo girewt. Hemrayê ma Demheto ke waştêne dişmenî ra qesas  bîgêro, bawer kerdêne  ke heta Vakurê Kurdîstanî de şoriş mebo  Şorişê Rojawanî zî mende nêbeno û qerarêko şorişgêr girewt û tewrê sefanê gerîlayan bîyo. Badê perwerdeyê îdeolojîk û leşkerîyî sey gerîlayê serkewteyî şi Metîna.  Dimayê destpêkerdişê operasyonê îşxalî yê dewleta tirke xeylêk çalakîyan de ca girwt û derbeyê pîlî dayî dişmenî ro û tewrê şehîdanê qehremanan ê Hemleya Şorişgêre ya Cengê Xebûrî bi.

Sere de keyeyê erjîyayeyî yê hemrayê ma yê şehîdî heme şarê Kobenê û şarê welatperwerî yê Kurdîstanî rê ma ser serweşîye wazenê. Ma soz danê ke ma do waştişê şehîdanê xo bi serkewtişî tacîdar bikerê.

Metîna de 5 îşxalkerî ameyî kiştene

15 hezîrane de warê Koordîne yê herêma Metîna de vera îşxalkeran çalakîyêke ameye kerdene. Çalakîya serkewtîye de 5 îşxalkerî ameyî cezakerdene 2 îşxalkerî zî birîndar bîyî.

Avaşîn de helîkopterî mecbur mendî peyser agêrê

Eynî roje îşxalkeran waşt bi şuxulnayîşê bombayanê gazî debikewê mewzîyanê şerî yê Girê Silmanî yê herêma Avaşînî. Îşxalkerê ke bi çekanê ferdîyan ameyî pirodayene gameke peyser ancîyayî. Saetanê şanî de  reyna  îşxalkeranê ke xîret kerd debikewê mewzîyan ameyî pirodayene. Îşxalkerêk ame cezakerdene. Eynî ca de 16 hezîrane de îşxalkerî pê taktîkê sabotajî ameyî pirodayene, 2 îşxalkerî ameyî cezakerdene. 15ê hezîrane de helîkopteranê ke waştêne warê Girê Sipî yê herêma Avaşînî leşkeran ca bikerê pê çekanê  giranan ameyî pirodayene. Helîkopterî mecbur mendî peyser agêrê.

PDK Metîna de viraştişê mewzîyan rê dewam keno

Hêzê PDKyî yê ke Metîna de ameyî cakerdene erazîde mewzîyanê xo rê dewam kenê. Rixmê heme hîşyarkerdişê ma ver bi cayanê hêzanê ma  xebatê viraştişê rayîrî dewam keno.

Dewleta tirke ya îşxalkerî dewî bombarduman kerdî

Dewê şarê Başûrê Kurdîstanî û Herêmê Pawitişî yê Meyda pê helîkopter û teyarayanê şerî ameyî bombardumankerdene.  15ê hezîrane de dewê Serero, Deşîşê û Orê yê Amedîye pê helîkopteranê hêrişî, warê Girê Nimo, Girê Sipî û Girê Sorî yê herêma Avaşînî pê teyarayanê şerî ameyî bombardumankerdene. Waranê Memreşoyî, Tabera Ereban, Mervanosî û Girê Silêmanî têgêrayîşê helîkopteran qewimîya. 16ê hezîrane de warê Girê Sip û Girê Sorî yê herêma Avaşînî ameyî pê teyarayanê şerî ameyî bombardumankerdene. Nê hêrişan de vînîbîyayeyê ma çîn ê.''