Merkezê Îrtîbatî û Çapemenîye yê HPGyî derheqê çalakîyanê gerîlayan de eşkerayîyêke daye. Eşkerayîye wina ya:

''Çarçewa Hemleya Şorişgêre ya Cengê Xabûrî de herêma Heftanînî de;

Hêzanê Têgêrayîşê Şorişî yê Yewbîyayeyî yê Cinîyan 27ê hezîrane de Girê Qesrokê yê Partîzanî de vera îşxalkeran çalakîyêke kerde. Na çalakîye de mewzîyê çeka A4î ame pirodayene, 2 îşxalkerî ameyî cezakerdene û yew kameraya mobese ameye îmhakerdene.

Çarçewa Hemleya Şorişgêre ya Bazanê Zagrosî de herêma Xakûrkê de;

26ê hezîrane de Girê Şehîd Şahanî de vera îşxalkeran çalakîya koordîne ya gerîlayan ameye kerdene. Baska yewine ya çalakîye hêverî da mewzîyê 3 îşxalkeran ro, no mewzî ame îmhakerdene û 3 îşxalkerî tede ameyî cezakerdene. Dima mewzîyêko bîn ame pirodayene û mewzî pa 2 îşxalkeran ame îmhakerdene. Baska diyîne ya çalakîye mewzî û radarê girî kerdî hedef û da piro. Nê mewzîyî de 5 îşxalkerî ameyî cezakerdene û radar ame îmhakerdene.

Na çalakîye ra dima îşxalkeran dormeyê Girê Şehîd Şahanî de operasyonêk da destpêkerdene. Îşxalkerî pê di taktîkanê sabotajî bi hawayêkê serkewteyî ameyî pirodayene û 2 îşxalkerî ameyî cezakerdene.

Nê çalakîyan de bi temamî 12 îşxalkerî ameyî cezakerdene û operasyon nênetîce apey ame antene. 

Çarçewa Hemleya Şorişgêre ya Bazanê Zagrosî de herêma Avaşînî de;

26ê hezîrane de tunelê şerî yê Werxelê pê gazê bomba dîyayî bombayan ver. Heman roje hêzanê ma îşxalkerê ke waştêne debikewê tunelan asteng kerdî. Pêkewtişê nê wayî heta şanî 18.30 dewam kerd. Îşxalkeranê ke netîce nêgirewte mabênê 18.30-19.30 de pê teqayîşanê pîlan û bombayanê gazî hêrişê tunelanê şerî kerd. Îşxalkeran nê cayî de çeka kîmyewîye ya keske şuxilnaye. Hêzanê ma cewab da îşxalkeran û îşxalkerî neçare mendî ke qedemeyêk xo apey bigêrê.

27ê hezîrane de warê Girê Sorî de îşxalkerê ke têgêrayêne ameyî pirodayene. Nê pirodayîşan de 2 îşxalkerî ameyî cezakerdene.
Dewleta tirke ya îşxalkere Herêmê Pawitişî yê Medya pê teyarayan dayî bombayan ver û herême de têgêrayîşê helîkopteran qewimîyayî. Detayê têgêrayîşê dişmenî wina yê:

26ê hezîrane de erazîyê Kela Qumrîyê yê Metîna dîya bombayan ver. Heman roje waranê Mervanos, Mamreşo, Banîsta û Taburê Ereban ê herêma Avaşînî de û warê Cîloyê Biçûkî yê Zapî de têgêrayîşê helîkopteran qewimîyayî.''