Merkezê Îrtîbatî û Çapemenîye yê HPGyî derheqê çalakîyanê gerîlayan de eşkerayîyêke daye. Eşkerayîye wina ya:

"Çalakîyê hêzanê ma yê vera hêrişanê ke 23ê nîsane de artêşa tirke ya kolonyalîste dabi destpêkerdene çarçewa Hemleya Wextê Azadîye de dewam kenê. Detayê çalakîyan wina yê:

 Hemleya Şorişgêre ya Bazanê Zagrosî

Çarçewa Hemleya Şorişgêre ya Bazanê Zagrosî de;

30ê nîsane de hêzanê ma Girê Şehîd Mervanî yê Zapî de vera îşxalkeran çalakiyêke kerde. Çalakîye de îşxalkerêk ame cezakerdene.

1ê gulane de hêzanê ma Girê Şehîd Serdarî yê Avaşînî de îşxalkerî pê çekanê giranan kerdî hedef. Çalakîye de hedefî bi hawayêkê serkewteyî ameyî pirodayene. Çalakîye ra dima îşxalkeran war da bombayan ver.

Heman roje Girê Şehîd Serdarî de hêzanê ma îşxalkerî girewtî binê kontrolî û kewtî mîyanê înan. Çalakîye de mewzî ame îmhakerdene û 5 îşxalkerî ameyî cezakerdene.

2ê gulane de Girê Şehîd Dilgeşî yê Avaşînî de 2 mewzîyê îşxalkeran ameyî pirodayene. Çalakîye de 3 îşxalkerî ameyî cezakerdene, îşzalkerêk birîndar bi.

1ê gulane Girê Şehîd Munzurî yê Zapî de mewzî û îşxalkerê ci hetê hêzanê ma ra ameyî pirodayene. Çalakîye de 4 îşxalkerî ameyî cezakerdene û mewzî ame îmhakerdene.

1ê gulane de Girê Mamreşoyî yê Avaşînî de mewzîyê ma hetê îşxalkeran ra dîya bombayan ver. Îşxalkeran netîce nêgirewte û xo apey ant.

Hemleya Şorişgêre ya Cengê Xabûrî

Çarçewa Hemleya Şorişgêre ya Cengê Xabûrî de

1ê gulane de hêzanê ma Girê Suîkastî yê warê Xantûrî yê Heftanînî de da îşxalkeran ro û fermandarê girî ceza kerd.

1ê gulane de hêzanê ma Girê Qesroke yê warê Partîzanî yê Heftanînî de vera îşxalkeran çalakiyêke kerde. Çalakîye de 3 îşxalkerî ameyî cezakerdene, mewzîyêk, 2 kamerayê mobese û sîstemê radarî ameyî îmhakerdene.

Bombardumanî

Hêrişê dewleta tirke ya îşxalkere yê vera Herêmanê Pawitişî yê Medya dewam kenê.

29ê nîsane de warê Kolîtî yê herêma Xakurkê, 30ê nîsane de warê Derarê yê Metîna; 1ê gulane de Girê Zendura, Kesta, Derarê yê Metîna, warê Aris-Farisî yê Zapî, warê Sinînê yê Xakurkê, 2ê gulane de Girê Zendura hetê artêşa tirke ya îşxalkere ra dîyayî bombayan ver.

Şehîdî

29ê nîsana 2021î de şerê Zapî de embazanê ma Delale û Vîyane derbê giranî dayî dişmenî ro û şehîd bîyî. Nasnameyê şehîdanê ma wina yê:

Nameyê Qodî: Vîyane Botan Name û Peyname: Dîlane Akan Cayê Bîyayîşî: Sêrt Maye-Pî: Nebahate – Reşit Tarîx û Cayê Şehadetî: 29ê Nîsana 2021î /Zap

Nameyê Qodî : Delale Dilxweş Name û Peyname: Delale Akpolat Cayê Bîyayîşî: Muş Maye-Pî: Besra – Ebeddin Tarîx û Cayê Şehadetî: 29ê Nîsana 2021î /Zap

 

Embazanê ma Delale û Vîyane roja verêne ya hêrişan de tewr vernî de cagirewt, derbê giranî dayî dişmenî ro. Embazanê ma helîkopterî kerdî hedef, xover da û kerd ke helîkopterî war biteriknê. Embazanê ma verê ci girewt ke îşxalkerî herême de cabibê.

Sere de keyeyanê înan ê ercîyayeyan ma pêro şarê welatperwerî yê Kurdistanî rê serweşîye wazenê. Ma do vîrameyîşê înan pê serkewtişî tacîdar bikerê.