Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

''19ê tebaxe qezaya Şaxî ya Wanî de warê Kato Xelîla pê teyarayanê şerî û helîkopteranê hêrişî bombarduman kerd û dima ra oeprasyono hîra da destpêkerdene. Derheqê operasyonî de zanayîşo hîra do bêro parekerdene.

Herêma Metîna

20ê tebaxe de xeta Qaşûra de têgêrayîşê helîkopteran qewimîya. Eynî roje dormeyê dewanê Kêste û Hirorê ê Kanî Masî yê Amedîye û warê Koordîne, Girê Zendûra û Kela Qûmrîyê pê helîkopteranê hêrişî ame bombardumankerdene.

Herêma Avaşînî

19ê tebaxe ra nata artêşa tirke pê çekanê giranan tunelanê şerî yê warê Werxelê bombarduman kena. 20ê tebaxe de tunelê şerî yê Girê Sorî serê sibayî ra heta saetanê şanî pê çekanê giranan ameyî bombardumankerdene. Eynî roje vera tunelanê şerî yê Werxelê gazê kîmyewîyî ameyî şuxulnayene. Herême ser o têgêrayîşê dronayan dewam keno.

Ma eşkerayîya xo ya 16ê tebaxe de dabi eşnawitene ke 27ê temmuza 2021î de qezaya Elkê ya Şirnexî de operasyon dîyayo destpêkerdene. Ma rayapêrîye dir pare kerdbi ke nê pêkewtiş û hêrişanê hewayî de embaza ma Jîne Rojî (Dîcle Uzum) şehîde bîya. Pêkewtişan de embazê ma Gulgaş Zîlan Serhat (Gugeş Tatli) birîndar kewto destê dişmenî.Hemrayê ma rixmê heme îşkenceyan verê îşxalkaran de milê xo çewt nêkerdo.''