Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê îşxalî yê dewleta tirke de zanayîş da.

Eşkerayîye de nê ameyî parekerdene.

''Çarçewa Hemleya Şorişgêre ya Bazanê Zagrosî de 8ê temmuze de hêzanê ma warê Lêlikanî yê herêma Xakurkê de vera wesayîtê leşkerî yê tîpê Reoyî çalakîya sabotajî kerde. Netîceya çalakîye de wesayît ame îmhkaerdene, 8 îşxalkerî ameyî cezakerdene û 6 îşxalkerî zî birîndar bîyî.  Badê çalakîye herême de operasyon dîya destpêkerdene. Operasyon eynî roje destveng peyser ame antene.

10ê temmuze de seatanê şewe de warê Girê Sipî, Girê Sorî, Girê Silêmanî, Girê Şehîd Întîkamî, Mervanos, Banista, Tabûra Ereban û Mamraşoyî yê Avaşînî de  têgêrayîşê teyarayan qewimîya. Bado ke hêzanê ma mudaxale kerd helîkopterî mecbur mendî ke peyser agêrê.

Dewleta tirk a ke nêeşkena vera xovedayîşê hêzanê ma aver şiro, seba ke planê ci yê îşxalî yenê astengkerdene metodanê şerê lemimî fînena dewre ke ser bikewo. Na çarçewe de 10ê temmuze de veraşan warê Girê Sorî yê herêma Avaşînî de vera tunelanê şerî gazê kimyewîyî ame şuxulnayene.

10ê temmuze de waranê Herfa Tyî û Cîloya Biçûkî yê herêma Zapî  û Xeta Qaşûra yê Metîna de têgêrayîşê helîkopteran qewimîya. Eynî saetan de de warê Herfa Tyî ame bombardumankerdene û Girê Silêmanî de leşkerî ameyî bedilnayene. Reyna erazîyê dewanê Êdînê, Kêste û Hirorê yê Kanî Masî ya Amedîye pê helîkopteranê hêrişî ameyî bombardumankerdene. Netîceya hêrişî de şewato ke vejîya dewam keno.

11ê temmuze de zî warê Deşta Kafya yê herêma Garê û Warê Saca yê Zapî pê teyarayanê şerî û warê Çemçoyî yê herêma Zapî zî obusanê qereqolanê sînîrî ameyî bombardumankerdene.

Nê hêrişan de vînîbîyayeyê ma çîn ê.''