Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye û nê pare kerdî:

''Çarçeweya Hemleya Şorişgêre ya Şehîd Bager û Şehîde Ronya de hêzanêma 10ê gulane de herêma Xakurkê ya Herêmanê Pawitişî yê Medya de vera artêşa tirke çalakîyêke viraşte. Çalakîya ke Qilê Lêlîkanî de ameye viraştene de cayo ke dişmen tede ame cakerdene bitesîr ame pirodayene. Çalakîye de yew Konteyner û yew mewzî ameyî îmhkakerdene û tesbîtkerde 8 leşkerê tirkî ameyî kiştene. Badê çalakîye herême pê obus û hewanan ameye bombardûmankerdene. Yewîya ma ya ke çalakî viraşte weş û war resaye cayê xo.

Reyna çarçeweya hemleya şorişgêre de hêzanê 10ê gulane de herêma Zapî ya Herêmanê Pawitişî yê Medya de çalakîyêke viraşte. Warê Çiloyê Qicî de wesayîtê drona ya artêşa tirke ke gêrayêne hetê hêzanê ma ra ameye wardayene.

Eynî roje teyaranê şerî yê artêşa tirke warê Sinînê, çemê Lolanî û Koma Sorî yê Xakurkê bombardûman kerdî. Nê hêrişan de vînîbîyayeyê ma çîn ê.''