Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye.

Eşkerayîya HPGyî de nê ameyî parekerdene:

Metîna

''Hezanê ma yê YJA Starî 1ê temmuze de vera Baregehê Kanî Masî yê dewleta tirke yê qezaya Amedîye de pê çekanê giranan çalakîye kerde. Çalakîye de xeymî û mewzîyî bitesrî ameyî pirodayene la hûmara merde û birîndan zelal nêbîye.

Xakurkê

Hezanê ma yê YJA Starî 1ê temmuze de vera îşxalkeranê ke Qilê Şehîde Axîne ra ver bi Qilê Bêrîtanê şîyênî çalakîya sûîqastî kerde. Çalakîye îşxlakerêk ame cezakerdene.

Avaşîn

Eynî roje warê Werxelê de îşxalkerê ke dormeyê mewzîyanê şerî de bî hîrê hetan ra ameyî pirodayene. Çalakîye de 4 îşxalkerî ameyî cezakerdene û 2 îşxalkerî zî birîndar bîyî.

Warê Wexelê û Tabûra Ereban de îşxalkerî erazî vêşnenê.

30ê hezîrane de tunelê şerî yê warê Werxelê bi bombayanê gazî ameyî bombardumankerdene.

1ê temmuze de warê Dola Şivê hetê qereqolanê sînorî ra pê obusan ame bombardumankerdene.''