Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye û nê pare kerdî:

''Çarçeweya Hemleya Şorişgêra ya Şehîd Bagerî û Şehîde Ronya de hêzanê ma 22ê temmuze de Xakurkê ya Herêmanê Pawitişê Medya çalakî kerde. Çalakîya sabotajî ya ke vera leşkaranê ke mabênê qilanê Lêlîkan û Kevotê de operasyon dabi destpêkerdene ameye kerdene yewîyê dişmenî bitesîr ameyî pirodayene. Çalakî de 4 leşkerî ameyî cezakerdene û 3 zî birîndar bîyî. Îşxalkerî badê çalakî saetanê şanî de dest veng herême ra peyser ancîyayî. Na çalakî semedê yadkerdişê şehîdanê qehremanan ê Cengê Heftanînî ameye kerdene.

19ê temmuze de artêşa tirke herêma Mergêzerê ya Geverê Colemêrgî de mintiqaya Gezrê de operasyonê îşxalî da destpêkerdene. Îşxalkeran bi helîkopteran hêzê xo herême de cakerdî.  Mabênê hêzêna ma îşalkeran de pêkewtişê giranî qewimîyayî. Nê pêkewtişan de 3 leşkerî ameyî cezakerdene û xeylêk zî birîndar bîyî. Operasyon 21ê temmuze de qedîya. Derheqê operasyonî de eke zanayîşê neweyî bikewê destê ma do pare bikerê.

Teyarayanê şerî yê artêşa tirke 21ê temmuze de dewê Derîk, Mam Egîd û Sêdarê yê herêma Gare, 22ê temmuze de zî Gundê Enzê, Gundê Silê, Gundê Berîyan û dolê Şehîdan û Zegelê yê Qendîlî  bombavaran kerdî. Eynî roje saetanê şanî de warê Goşine yê Xakurê zî ser o zî bombayî varnayî. Nê hêrîşan de vînîbîyayeyê ma çîn ê.''