Merkezê Îrtîbatî û Çapemenîye yê HPGyî nasnameyê 7 gerîlayanê ke hêrişê îşxalî de şehîd bîyî eşkera kerdî.

Eşkerayîya HPGyî wina ya:

''Hêrişê îşxalî yo ke 23ê nîsane de ame destpêkerdene hedefê ci yo verên Avaşînî bi. Qilê Şehîd Mûnzûrî yê warê Mamreşoyî de serkêşîya fermandarê pîlî Serhat Giravî de hemrayanê ma Rûkene, Sarya, Canfeda, Xebat, Zafer û Kamûranî 10 rojî xoverdayîşo tarîxî da. Hemrayanê ma hela verêne ya hêrişî ra mewzîyanê şerî de cayê xo girewt û bi çalakîyanê cîya cîyayan  Zagrosan de derbê pîlî dayî îşxalkeran ro. Hemrayanê ma Rûkene û Serya sey mîlîtananê YJA Starî nê xoverdayîşî de ca girewt û mojna ke îradeyê cinîya azade nêeşkeno teslîm bêro girewtene. Hemrayî Rûkene û Sarya xoverdayîşê Mamareşoyî de rolê serkêşîye yo tarîxî kay kerd.

Dişmeno ke rixmê heme îmkananê xo yê tekînî bêçare mend metodê teberê merdimîye şuxulnayî û pê gazanê axûyinan hêrişê mewzîyanê şerî kerd û hemrayê ma şehîd kerdî. Hêzê mîyanneteweyî vera nê sûcê şerî bêveng ê. Dewleta tirke zî nayî ra paştî gena. Serkêşîya hemrayê ma Serhad Giravî de 7 hemrayanê ma koyanê Avaşînî de Mamreşo kerd kelayêka xoverdayîşî û 10 rojî nêverda dişmen game bierzo. Hemrayanê ma pê xoverdayîşê bêmabênî destanê qehremanîya tarîxîye nuşt.

Nasnameyê embazanê yê şehîdan wina yê:

Nameyê Qodî: Serhat Giravî Name û Peyname:  Kamûran Alpsar Cayê Bîyayîşî:  Colemêrg Maye-Pî: Şîrîne – Riza Tarîx û Cayê Şehadetî: 3ê Gulana 2021 / Avaşîn

 

Nameyê Qodî: Rûkene Zagros Name û Peyname: Sehere Bîngol Cayê Bîyayîşî: Colemêrg Maye-Pî: Newroze – Kerîm Tarîx û Cayê Şehadetî: 3ê Gulana 2021 / Avaşîn

 

Nameyê Qodî: Sarya Diyar Name û Peyname: Bîşenge Hezer Cayê Bîyayîşî: Şirnex Maye-Pî: Ayşe – Mehmet Tarîx û Cayê Şehadetî: 3ê Gulana 2021 / Avaşîn

 

Nameyê Qodî: Canfeda Heseke Name û Peyname:  Şehbaze - Îzzettîn Seydo Cayê Bîyayîşî: Hesekê Maye-Pî: Şehnaze – Îzzettîn Tarîx û Cayê Şehadetî: 3ê Gulana 2021 / Avaşîn

 

Nameyê Qodî: Xebat Aso Name û Peyname: Ubeyt Mevludî Cayê Bîyayîşî: Kirmanşah Maye-Pî: Hacere – Huseyin Mevludî Tarîx û Cayê Şehadetî: 3ê Gulana 2021 / Avaşîn

 

Nameyê Qodî: Zafer Tolhildan Name û Peyname: Muhammed Abdulkadir Huseyîn Cayê Bîyayîşî: Qamişlo Maye-Pî: Hena – Abdulkadir Tarîx û Cayê Şehadetî: 3ê Gulana 2021 / Avaşîn

 

Nameyê Qodî: Kamûran Amed Name û Peyname: Mustafa Şîmşek Cayê Bîyayîşî:  Amed Maye-Pî: Dilşahe – Abdulrahman Tarîx û Cayê Şehadetî: 3ê Gulana 2021 / Avaşîn

Serhad Giravî

Hemrayê ma Serhad Giravî keyeyêko welatpewer û pabesteyê ercanê xo yê komelkî de ame dinya. Hemrayê Serhadî de eşîrê Giravî ra taybetîyê welatperwerîye girewtî domanîye xo ra têgêrayîşê azadîye nas kerd û ciwanîya xo tewrê xebatanê ciwanîye bi. Rixmo ke unîversîte de cayêko rind qezenc kerd unîversîte açarna warê şorişî. Dima ra 2011 de verê xo koyanê Kurdîstanî û Herêmanê Pawitişî yê Medya de xeylêk cayan de falîyetê pratîkî rayra berdî. Hemrayê Serhadî xoverdayîşê Mamreşoyî de serkêşîye kerde û wezîfeyê xo bi serkewtiş ard ca.

Rûkene Zagros

Hemraya ma Rûkene Zagros qezaya Geverî ya Colemêrgî de keyeyêko welatperwerî de ameya dinya bu hêvîya cinîyêka azade ya kurde û gerîla bîya pîl. Hemra Rûkena ke 2014 de tewrê sefanê gerîlayan bîye û bi eşqê pîlî gamê xurtî eştî û sey şerwanêka YJA Starî xo her hetî ra  xo newe ra aferna û bi keda pîle zerrîya embazanê xo de ca girewt.

Sarya Dîyar

Hemraya ma Sarya Dîyar qezaya Hezexî ya Şirnexî de keyeyêko welatperwer de ameya dinya û pê hîkayeyanê hemrayê ma Dîyar Gafurî ke birayê ci yo bîyî pîl. Badê şehadetê birayê ci seba ke çeke ey erdî nêmano û qesasê ci bigîro  verê xo da Koyanê Kurdîstanî. Hemra Sarya ke xeta Têgêrayîşê Cinîya Azade wezîfeyê xo bi serkewtiş ard ca û tim bi hewayêkê qehremankî tekoşîn kerd.

Canfeda Hesekê

Hemrayê Canfeda Hesekê de ameyo dinya. Mîyanê atmosferê şorişê Rojawanî de bi pîl û tewrê sefanê gerîlayan bîyo. Koyanê Avaşînî de bi gerîlayêko bitecrubê û xoverdayîşê Mamreşoyî de bi hewayêkê qehremankî şer ked û tewrê kerwanê şehîdan bi.

Xebat Aso

Hemrayê ma Xebat Aso bajaranê welatperwaran ê Rojhelatê Kurdîstanî ra Kirmanşah de ameyo dinya. Pê taybetîyanê komelkî yê tradîsyonê serhildanî yê Rojhelatê Kurdîstanî bi pîl û 2018 de tewrê gerîlayanê Kurdîstanî bi.Qendîlî ra heta Avaşînî tecrûbeyî kerdî pêser û  bi kesayetê xo yê mutewazîyî zerrîya embazanê xo de ca girewt.

Zafer Tolhildan

Hemrayê ma Zafer Tolhildan bajaranê welatperwaran ê Rojawanê Kurdîstanî ra Qamilşo de ameyo dinya û keyeyêko welatperwer û ercîyaye de bîyo pîl. Ciwanîya xo de tewrê têkoşînî bîyo û 2013 de vera xo dayo koyanê azadan. Xeylêk çalakîyanê Avaşînî de girewt û tewr penî de xoverdayîşê Mareşoyî de rolê xo yê taîrxî ard ca tewrê kerwanê şehîdan bi.

Kamûran Amed

Hermrayê ma Kamûran Amed paytextê Kurdîstanî Amed de ameyo dinya. Hemrayê ma Kamûrano ke keyeyêko welatperwer de bîyo pîl rewî ra rîyê dewleta tirke ya qirkere dî û şahîdîya zextê ci kerde. Seba ke dişmenî ra hesab biperso 2019 de tewrê sefanê gerîlayan bi. Xoverdayîşê Mamreşoyî de sey ewladêkê kurdî yê bianor û qehremanî tarîx de cayê xo girewt.

Destanê qehremanî yê hemrayanê ma do hetê ma ra û şarê kurdî ra tim sey nimûne bêro girewtene. Qesasê înan do miheqeq bêro girewtene û vîrê înan Kurdîstanê Azadî do bêrê  ciwîyayene. Ma na çarçewe de keyeyanê ercîyayeyan ê şehîdan û heme şarê welatperwerî yê kurdî rê serweşîye wazenê.''