Merkezê Îrtîbatî û Çapemenîye yê HPGyî derheqê çalakîyanê gerîlayan de agahîyî dayî. Eşkerayîye wina ya:

''Çarçewa Hemleya Şorişgêre ya Bazanê Zagrosî de;

1ê hezîrane de warê Cîloyê Qijî yê Zapî de vera îşxalkeran çalakîyêke ameye kerdene. Çalakîye de verî mewzîyê îşxalkeran ame hedefkerdene û dima ame pirodayene. Çalakîye de 3 îşxalkerî ameyî cezakerdene, yew mewzî ame îmhakerdene. Dima kameraya mobese zî ameye pirodayene û îmhakerdene.

Dewleta tirke ya îşxalkere warê Avaşîn û Metîna pê teyarayanê şerî û helîkopteran dayî bombayan ver û pê helîkopterî waran de îşxalkerê xo vurnayî.

Detayê hêrişan wina yê:

1ê hezîrane de Girê Sorî û Stûne yê Avaşînî dîyayî bombayan ver. Waranê Şehîde Dilgêşe û Şehîd Munzurî de artêşa tirke ya îşxalkere pê helîkopteran hêzê xo vurnayî. Heman roje reyna Mamreşo de îşxalkeran hêzê xo vurnayî. Reyna 1ê hezîrane de warê Koordîne yê Metîna pê helîkopteran dîya bombayan ver. Bombarduman de erazî de şewat vejîya.

Nê bombardumanan de zerarêk nêresa hêzanê ma ser. La hêriş û bombardumananê artêşa tirke ra semed xeylêk cayan de şewat qewimîya û nê şewatî hema zî dewam kenê.''