Merkezê Îrtîbatî û Çapemenîye yê HPGyî  derheqê çalakîyanê gerîlayan û hêrişanê dewleta tirke de tay agahîyî dayî. Eşkerayîye wina ya:

''Çarçewa Hemleya Şorişgêre ya Bazanê Zagrosî de;

2ê temmuze de nêzdîyê Werxelê de komêka îşxalkeran hetê hêzanê ma ra ameye hedefkerdene. Na çalakîye de 5 îşxalkerî ameyî cezakerdene. 

Çarçewa Hemleya Şorişgêre ya Bazanê Zagrosî de herêma Avaşînî de;

2ê temmuze ra heta nika îşxalkerî pê teqaberan û bombayanê gazî hêrişê tunelanê şerî yê Girê Sor û Werxelê kenê.

3ê temmuze de warê Werxelê de îşxalkeran pê bombayanê gazî û bombaeştoxan hêrişê tunelan kerd û waşt ke tede teqaberan ca bikerê. Hêzanê ma mudaxeleyê nê îşxalkeran kerd. Îşxalkerî neçare mendî ke xo apey biancê û teqaberî ameyî bêtesîrkerdene.

4ê temmuze de warê Werxelê de îşxalkerê ke ver bi mewzîyanê Werxelê şîyêne pê taktîkê sabotajî ameyî hedefkerdene û pê çekanê ferdîyan ameyî pirodayene. Na çalakîye de 3 îşxalkerî ameyî cezakerdene û 2 îşxalkerî birîndar bîyî. Îşxalkerî na derba girane ra dima neçare mendî ke xo apey biancê.

3ê temmuze de warê Mervanos, Mamreşo, Banista û Girê Silêmanî yê Avaşînî ser o helîkopterî têgêrayî. Heman roje warê Werxelê pê teyarayanê şerî û helîkopteranê hêrişî dîya bombayan ver. 4ê temmuze de vera mewzîyanê şerî yê Werxelê pê fuze û bombaeştoxan hêriş ame kerdene.