Merkezê Îrtîbatî û Çapemenîye yê HPGyî pê eşkerayîyêke nasnameyê 2 şehîdan eşkera kerdî. Eşkerayîye wina ya:

''15ê temmuza 2020î de artêşa tirke ya îşxalkere vera herêma Heftanînî bi giranî hêrişo hewa kerd. Warê Bektorya de hêrişê hewayî yê Girê Şehîd Gelhatî de embazê ma Koçer şehîd bi. Nasnameyê embaz Koçer wina yo:

Nameyê Qodî: Koçer Sîîrt Name û Peyname: Ferhat Yayle Cayê Bîyayîşî: Sêrt Maye-Pî: Fatime-Tahsîn Tarîx û Cayê Şehadetî: 15ê Temmuza 2020î/Heftanîn

Embazê ma Koçer Sêrt de dadîya xo ra bi û hema ke ciwan bi tewrê gerîlayan bi. Embaz Koçer wextêkê kilmî de bi gerîlayêko marîfetin û pê taybetmendîya xo ya herêmî pratîk de embazanê xo rê bi  hetkar. Semedo ke ey dibistanê sîstemî de qet nêwend mîyanê cuye de xo pê felsefeya Rayber Apoyî perwerde kerd. O tewrê çalakîyanê vera DAÎŞî bi, nê çalakîyan de rayberîye kerde û di reyî birîndar bi. Hertim pê eşq û waştişêkê pîlî agêra wezîfeyê xo ser. Ey tewr peyên zî Hemleya Şorişgêre ya Cengê Heftanînî de ca girewt, tewrê çalakîyan bi û derbê pîlî dayî dişmenî ro. Embaz Koçer warê Bektorya de wezîfeyê xo ser de şehîd bi.

6ê teşrîna verêne ya 2020î de warê Bektorya yê Heftanînî de hêrişê hewayî yê artêşa tirke ya îşxalkere de embazê ma Laşer şehîd bi. Nasnameyê embazê ma Laşerî wina yo:

Nameyê Qodî: Laşer Rojhat Name û Peyname: Umît Îlbî Cayê Bîyayîşî: Şirnex Maye-Pî: Feyrûz-Tahsîn Tarîx û Cayê Şehadetî: 6ê Teşrîna Verêne ya 2020î / Heftanîn

Embazê ma Laşer dewa Repînî ya qezaya Qilabanî ya Şirnexî de dadîya xo ra bîyo û ciwanîya xo de tewrê gerîlayan bi.Embaz Laşer mîyanê gerîlayan de pê zerrînizmî, samîmîyet û keda xo vejîya vernî. Ey embazanê xo de têkilîya sade esas kerde, zerrîya embazanê xo de cayêko pîl girewt. Embaz Laşerî seba ke bibo milîtanê Rayber Apoyî xeylêk xîret kerd û pê têkoşînê xo mîyanê fedayîyanê Kurdîstanî de zî ca girewt. Ey xo seba azadîya Rayber Apo û welatê xo feda kerd. Heftanîn de derbê giranî dayî dişmenî ro û warê Bektorya de şehîd bi.

Sere de keyeyanê ercîyayeyan ê embazanê ma rê, ma şarê Botanî yê xoverdayoxî rê, şarê welatperwerî yê Kurdîstanî rê serweşîye wazenê. Ma soz danê ke ma do têkoşînê embazanê xo yê şehîdan ser bivisnê.''