Merkezê Çapemenîye yê HPGyî pê eşkerayîyêke gerîla Devrîme û Çîyajîne yad kerdî ke hezîrana 2017î de warê Lêlikanî yê Xakûrkê de hêrişê hewayî de şehîd bîyî.

Eşkerayîye wina ya:

''4ê hezîrana 2017î de warê Lêlikanî yê Xakûrkê de hêrişê hewayî yê artêşa tirke ya îşxalkere de embazê ma Devrîme û Çîyajîne şehîd bîyî. Ma embazanê xo yê şehîdan serrgêra şehadetê înan de yad kenê. Nasnameyê wird embazanê ma wina yê:

Nameyê Qodî: Devrîme Brûsk Name û Peyname: Hanime Bozkûrt Cayê Bîyayîşî: Amed Maye-Pî: Sûzane-Mehmet Sadik Tarîx û Cayê Şehadetî: 4ê Hezîrana 2017î / Xakûrkê

Nameyê Qodî: Çiyajîne Zagros Name û Peyname: Pinare Demîr Cayê Bîyayîşî: Colemêrg Maye-Pî: Seyrane-Şukranî Tarîx û Cayê Şehadetî: 4ê Hezîrana 2017î / Xakûrkê

Şarê kurdî rixmê hêrişan pêro tarîx de qetî teslîm nêbi. Coka tarîxê ma sey tarîxê xoverdayîşî şinasîyeno. Partîya ma PKK nê tarîxî ser o awan bîya. Rayraşîyayîşê ma yê serkewtişî rayberîya felsefeya Rayber Apoyî û keda şehîdan de ewro resaya na aste. Şehîdanê ma pê têkoşînê xo tradîsyonêko bêmabên aferna. Rayber Apoyî wextêk de ke nasnameyê cinîyan ameyêne çinkerdene Îdeolojîya Cinîya Azade afernaye. Cinîyê kurdî pê nê rolî weriştî pay û înan mîyanê têkoşînî de cayê xo girewt. Besê yan ra heta Sara û Zîlanan, Bêrîtanan ra heta Delale Amedan no xoverdayîş koyanê Kurdîstanî de resa ameyoxîç Embazê ma Çîyajîne û Devrîme na xeta rûmete bêteredut temsîl kerd, têkoşîn kerd pîlêr û pê şehadetê xo mîyanê tarîxê rûmetînî yê PKKyî de ca girewt.

Embaza ma Devrîme Amed de dadîya xo ra bîye. Embaze Devrîme têgêrayîşê ma rew şinasna û karê ciwanan de ca girewt. Embaze Devrîme vera asîmîlasyon, înkar û qirkerdişê dewleta faşîste pê hêrsê pîlî tewra gerîlayan bîye.Aye xo felsefeya Rayber Apoyî kerd xorin, bîye mîsala nasnameyê cinîya azade ya kurde. Embaze Devrîme pê zerrînizmî, perwerîya xo mazhara heskerdişê embazanê xo bîye. A hema emrêkê ciwanî de bîye fermandare û tim wezîfeyê xo bi hawayêkê serkewteyî ardî ca.

Embaze Çîyajîne keyeyêkê welatperwerî de dadîya xo ra bîye û serra 2015î de vera tradîsyonê qirkerdişî yê dewleta tirke verê xo da koyanê azadan ê Kurdîstanî. Embaze Çîyajîne a roje ra dima tim Îdeolojîya Cinîya Azade ser o cigêraye.  Aye pêro wezîfeyê xo bi kêmasî ardî ca û bîye fermandarêka jîhate ya YJA-Starî. Aye tim wend, xo aver berd.

Embazê ma Devrîme û Çîyajîne sey pawitoxanê nasnameyê cinîya azade pê xoverdayîş û têkoşînê xo dinya rê cinîyê kurdî nîşan kerdî ke vera serdestîya camêrdan senî têkoşîn bêro kerdene. Ma sere de keyeyanê ercîyayeyan ê embazan Devrîme û Çîyajîne rê pêro şarê welatperwerî yê Kurdîstanî rê û cinîyan ê xoverdayoxan rê serweşîye wazenê.''