HPGyî 3 gerîlayê ke Semsûr de şehîd bîyî yad kerdî
HPGyî 3 gerîlayê ke Semsûr de şehîd bîyî yad kerdî û vat: ''Ma do têkoşînê xo de her tim wayîrê vîrameyîşanê embazanê xo bivejîyê.''
HPGyî 3 gerîlayê ke Semsûr de şehîd bîyî yad kerdî û vat: ''Ma do têkoşînê xo de her tim wayîrê vîrameyîşanê embazanê xo bivejîyê.''
Merkezê Îrtîbatî û Çapemenîye yê HPGyî nasnameyê 3 gerîlayanê ke Semsûr de şehîd bîyî eşkera kerdî.
Eşkerayîya HPGyî wina ya:
''7ê gulane de dewa Rezipî ya merkezê Semsûrî de hêrişê hewayî yê artêşa TCyî ya îşxalkere de embazê ma Bager Adar, Bezar Komagene û Sabrî Pîr şehîd bîyî. Zanayîşê derheqê nasnameyanê embazanê ma yê şehîdan de wina yê:
Nameyê Qodî: Sabrî Pîr Name û Peyname: Zeynel Gozubuyuk Cayê Bîyayîşî: Semsûr Maye û Pî: Salîha-Abdulrahman Tarîx û Cayê Şehadetî: 7ê Gulana 2020î / Semsûr |
Nameyê Qodî: Bager Adar Name û Peyname: Gaffarî Yorûlmaz Cayê Bîyayîşî: Semsûr Maye û Pî: Ayşe-Fazil Ahmet Dem û cihê şehadetê: 7ê Gulana 2020î / Semsûr
|
Nameyê Qodî: Bezar Komagene Name û Peyname: Zeynel Alakûş Cayê Bîyayîşî: Semsûr Maye û Pî:Guleye-Halîl Tarîx û Cayê Şehadetî: 7ê Gulana 2020î / Semsûr |
Embaz Sabrî Pîr serra 1980î de Semsûr de ame dinya pê waştişê bîyayîşê fedayîyê Apoyî serra 2006î de tewrê gerîlayan bi. Embaz Sabrî birazîyê fermandarê efsanewîyî Şehîd Sabrî (Haci) Gozubuyukî yo ke serra 2019î de Botan de şehîd bi. Embaz Sabrî Pîrî pê fedakarîye têkoşîn kerd û her ca de pê mesuldarî, îrade û heskerdişî wezîfeyê xo ardî ca. Pê pratîkê xo bi fermandar û şerwanêko fedayî yê Rayber Apoyî.
Embaz Bager Adar serra 1992î de Semsûr de keyeyêkê welatperwerî de ame dinya û serra 2011î de tewrê gerîlayan bi. Embaz Bager pê perwerîya xo ya seba partî û şehîdan, pê heskerdişê xo yê seba embazan tim tesîrêko pîl kerd. Embaz Bagerî Eyaletê Tolhildanî de vera îşxalkeran pê performansêkê serkewteyî derbê giranî dayî dişmenan ro û mojna ke her şertî de têkoşîn do bêmabên dewam bikero.
Embaz Bezar Komagene serra 1985î de Semsûr de warêkê welatperwerî de ame dinya û serra 2011î de tewrê gerîlayan bi. Destpêkê tewrbîyayîşê gerîlayan ra heta roja şehadetê xo tim pêro wezîfe û mesuldarîyê xo ardî ca. Embaz Ezar pê durustî, fedakarî û pakîya xo ameyêne naskerdene. Xeylêk waranê gerîlayan de têkoşîn kerd û heta ke şehîd bibo pê perwerîya xo ya seba şarê xo û Rayberîye mojna ke milîtanêk ganî senî bo.
Embazê ma Sabrî, Bager û Bezar rayîrê Sabrîyan, Huseyînan, Edîpan, Azîzan, Sîdaran, Mizgînan ra şîyî û nê esasî ser o dişmenan rê hesab persa, têkoşîn kerd. Ma têkoşînê xo de tim do wayîrê vîrameyîşanê embazanê xo bivejîyê.''