Merkezê Îrtîbatî û Çapemenîye yê HPGyî bi eşkerayîyêke nasnameyê 4 gerîlayanê şehîdan eşkera kerdî.

''24ê êlula 2020î de hêrişanê artêşa tirke ya îşxalkere yê vera herêma Merînosî ya Wanî de embazê ma Tekoşer, Şervan, Baran û Akîfî şehîd bîyî. Nê embazê ma pêro milîtanê Apogîrî yê mîsalî bîyî û tewirê înan ê vera dişmenî, tûjîya têkoşînê înan, bawerîya înan a bi serfîrazîye tim embazanê ma rê bîyî çimeyê moral û hêzî. Ma ancî soz danê ke ma do têkoşînê embazanê xo yê çêran biresnê serfîrazîye.

Nasnameyê embazanê ma yê şehîdan wina yê:

Embaz Tekoşer Êlih de dadîya xo ra beno û 2014 de tewrê gerîlayan beno.  Embaz Tekoşer verî Garzan de pratîk keno û 2015 de derbazê Herêmanê Pawitişî yê Medya beno. O Zap de tewrê xeylêk çalakîyan beno. O wextê hêrişanê vera Heftanînî de uca de sey fermandarêkî têkoşîn keno. 2020 de o bi kelecanî derbazê Vakurê Kurdîstanî beno. Embaz Tekoşer pê kede, cesaret û duristîya xo beno embazêko mîsal.

Embaz Şervan Qileban de dadîya xo ra beno û 2014 de tewrê gerîlayan beno.  Embaz Şervan 2015 de vera DAÎŞî Şingal de şer keno û azadîya Şingalî ra dima agêreno koyan. O Akademîya Mahsum Korkmazî de perwerde vîneno û derbazê Vakurê Kurdîstanî beno. Embaz Şervan tim pê hişmendîya serfîrazîye nêzdîyê xebatan beno. O pê fedakarî, çêrî û kesayetê xo yê sadeyî beno şerwanêko mîsal.

Embaz Baran Bedlîs de dadîya xo ra beno û 2015 de Garzan de tewrê gerîlayan beno. Embaz Baran wextêkê kilmî de xo aver beno û beno gerîlayêko marîfetîn. Embaz Baran perwerdeyan ra dima pê serkewtişanê xo, fedakarîya xo û tewirê xo mazharê hûrmetê embazanê xo beno û o waştişê xo ser o derbazê herêma Botanî beno. Embaz Barano ke Botan de pê tewrbîyayîşê xo mazharê hûrmet û heskerdişê embazanê xo bi, uca de beno milîtanêko Apogîro serkewte.

Embaz Akîf Mêrdîn de dadîya xo ra beno û 2015 de tewrê gerîlayan beno. Embaz Akîfo ke perwerê embazanê xo yê şehîdan bi, tim xîret keno ke vîrameyîşê embazanê xo pê têkoşînê xo bipawo. Embaz Akîf perwerdeyan ra dima xo aver beno û verê xo dano erdê bimbarekî Botanî. Embaz Akîf Botan de tewrê xeylêk çalakîyan beno û pê tewirê xo yê qerardar û tûjî Îdeolojîya Apogîre dano ciwîyayene û derbanê giranan dano dişmenî ro.

Ma ancî soz danê ke gonîya nê şehîdanê çêran erd de nêverdê û xeyalê înan ê tewr pîlî 'Kurdîstanê Azadî û Rayberîya Azade' bîyarê ca. Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê.''