Merkezê Îrtîbatî û Çapemenîye yê HPGyî bi eşkerayîyêkeÎsmaîl Por Mahmuto (Çîya Agirî) bi rêzî yad kerd ke netîceya komployê MÎT û Parastinî de şehîd bîyo.

Eşkerayîye wina ya:

''19ê tebaxa 2023yî de ma eşkerayîya xo de dabi eşnawitene ke warê Banikê yê Heftanînî de embazê ma Çîya Agirî netîceya komployêkî de şehîd bîyo.

Embazê ma Çîyayo ke Rojhelatê Kurdîstanî ra bi ruhê neteweyî tewrê gerîlayan bîyo, hetê unsuranê komplogeran ra ame şehîdkerdene. Na rewşe hem ma rê hêrsêko pîl viraşt hem zî do ma rê biba sebebê zêdînayîşê têkoşînî. Embaz Çîya her warî de bi pawitoxê xeta Rayber Apoyî û şehîdan. Ma do xeta ey a xoverdayîşî xo rê esas bikerê. Ma soz danê ke şexsê ey de bibê layîqê pêro şehîdanê xo.

Ma sere de keyeyê ci yê ercîyayeyî rê pêro şarê Kurdîstanî rê serweşîye wazenê.

Nasnameyê embaz Çîya Agirîyî wina yo:

Embaz Çîya şaristanê Makuyî yê Rojhelatê Kurdîstanî de dadîya xo ra beno. Embazê ma Çîya xoverdayîşê merdima xo Şîrîne Elemhulî û embazanê xo rê dima keweno peyê cigêrayîşan û 2015 de rêçê kekê xo yê şehîdî Cemîl-Îbrahîm Por Mahmutî de, warê Serhedî de tewrê gerîlayan beno. 

O Garê de dest pê gerîlatîye keno û pê perwerdeyan xo aver beno. Embazê ma Çîya vera cerganê DAÎŞî Başûrê Kurdîstanî de şer keno. Embaz Çîya tîya de beno şerwanêko bêters. Embazê ma Çîya 2018 de agêreno koyanê Heftanînî. O Heftanînî de çalakîyanê serkewteyan de cagêno û sey fermandarî serkêşîya Hemleya Cengê Heftanînî keno. Embazê ma Çîya tim keno ke bibo layîqê şehîdan û nê esasî ser o têgêreno.

Embaz Çîyayo ke netîceya komployê dişmen û hemkaranê ci de şehîd bîyo, temsîlkaranê ruhê neteweyî ra yew o.''