Merkezê Îrtîbatî û Çapemenîye yê HPGyî pê eşkerayîyêke da zanayene ke hêzanê înan qezaya Şemzînanî ya Şirnexî de da wesayîtêkê artêşa tirke ya îşxalkere ro.

Eşkerayîya HPGyî wina ya:

''Hêzanê ma Hamleya Şorişgêre ya Şehîd Bager û Şehîde Ronya de 1ê tebaxe de saete 08:20 de qezaya Şemzînanî ya Colemêrgî de rayîrê mabênê qereqolê Bezelê û dewa Bezenoyî de vera wesayîtêkê bi tîpê amarogî yê artêşa tirke ya îşxalkere çalakîyêka sabotajî kerde. Çalakîye de hûmara kişte û birîndaran nêameye tesbîtkerdene.

25 û 30ê temmuze de artêşa TCyî ya îşxalkere waranê Girê Çolya, Hesena û Navsera Cudî yê Girê Çolya ser o pê hawan, obus û helîkopteranê şerî bombayî varnayî. 30ê temmuze de hêzanê îşxalkeran warê Navsera Cûdîyî de leşkerî ca kerdî û operasyonêk da destpêkerdene. 1ê tebaxe de artêşa îşxalkere operasyon bênetîce qedîna û waran ra xo tepîya ant.

28ê temmuze de artêşa TCyî ya îşxalkere vera warê Kato Qewala yê qezaya Beytêşebabî ya Şirnexî hêrişêkê hewayî kerd. Nê hêrişî de zerarêk nêresa hêzanê ma ser.''