Merkezê Îrtîbatî û Çapemenîye yê HPGyî derheqê şehadetê çar gerlîyan de eşkerayîye daye û nê pare kerdî:

''19ê tebaxa 2021yî de warê Oremarî yê Cîloyî de hêrişê dişmenî de hemrayê ma endamê Fermandarîya Eyaletê Cîloyî Lokman Dilşêr hemrayê ma  Munzur, Zana û Brusk şehîd bîyî. Nê hemrayê ma yê erjîyayeyî yê ke bi zanayîş û roşnayîya ke partîya ma PKKyî afirnayî, Rojhelat û Rojawanê Kurdîstanî ra tewrê refanê gerîlayan bîyî, bi bawerîya pîle verê xo da Vakurê Kurdîstanî û wezîfeyê xo yê şorişgêrî ardî ca.

Hemrayê ma Lokmano sey mîlîtanêkê nimûneyî tim vernî de cayê xo girewtêne, fermandarîya tîmî ra heta fermandarîya eyaletî xeylêk wezîfeyî girewtî xo ser û bi serkewtişî ardî ca. Fermandarê ma Lokman Dilşêrî ke berpirsîyarîya şorişgêrî herçî ra ver tepiştêne, xeta Rayberîye û şehîdan de nameyê xo tarîxê têkoşînî ma de nuşt.

Hemrayê ma şorişgêro enternasyonalîst Brusk Ararat zî sey ewladê qehremanî yê şarê ma yê ereban û hemrayê ma Munzur û Zana zî  semedê azadîya şarê têkoşînî de cayê xo girewt û keda pîle daye.

Ma serrgêra şehadetê hemrayanê xo Lokman, Brusk, Munzur û Zanayî de înan bihurmet û mînetî yad kenê û sere de keyeyanê înan ê erjîyayeyan rê heme şarê welatperwerî yê Kurdîstanî rê sereweşîye wazenê.

Nasnameyê hemrayanê ma yê şehîdan wina yê:

Nameyê Qodî: Lokman Dilşêr Name û Peyname: Mensûr Sadiqî Cayê Bîyayîşî: Kotol Maye-Pî: Şekire – Teymur Tarîx û Cayê Şehadetî:  19ê Tebaxa 2021î / Cîlo

 

Nameyê Qodî: Brusk Ararat Name û Peyname: Hemed Erban Cayê Bîyayîşî:  Lubnan Maye-Pî: Zînê – Ahmed Tarîx û Cayê Şehadetî:  19ê Tebaxa 2021î / Cîlo

 

Nameyê Qodî: Munzur Rojava Name û Peyname: Yusuf Hacî Cayê Bîyayîşî: Tirbespiyê Maye-Pî: Zehra – Mihemed Tarîx û Cayê Şehadetî:  19ê Tebaxa 2021î / Cîlo

 

Nameyê Qodî: Zana Seko Name û Peyname:  Kemal Xizirî Cayê Bîyayîşî: Serdeşt Maye-Pî: Ayşe – Abdullah Tarîx û Cayê Şehadetî:  19ê Tebaxa 2021î / Cîlo

 

Hemrayê ma Lokman dewa Ravyanî ya Kotolê Rojhelatê Kurdîstanî de yeno dinya û keyeyêkê welatperî de beno pîl. Hemrayê ma Lokman binê tesîrê gerîlayan de maneno û wazeno bi xo refanê têkoşînî de ca bîgêro û na çarçewe de 2007 de verê xo dano koyanê azadan ê Kurdîstanî. Perwerdeyê verênî Zap de vîneno tîya 3 serrî gerîlatîye keno. Bado ke Zap de xeylêk tecrube keno pêser koyanê Zagrosan de dest pê gerîlatîye keno. Hermayê ma Lokman Hemleya Şorişgêre ya Şemzînan de wezîfeyê tarîxî geno xo ser çalakîya Rindikê de zî cayê xo geno. Wextê şerî de sere û lingê xo ra birîndar beno la bi îradeyê xurtî demê kilmî de derbanê xo pêşeno. 2013 de tewrê perwerdeyê Akedemîya Hakî Karerî beno û sey fermandarêkê serkêşî mezûn beno. Seba ke şarê xo çeteyanê DAÎŞî ra bipawo ravîyereno warê Rojawanî û tîya hema hema pêro hemleyanê şorişgêran de ca geno û 2018 de reyna agêreno koyanê Kurdîstanî. Bado ke Akademîya Mahsum Korkmazî de perwerde vîneno sey endamê fermandarîya eyaletî verê xo dano Zapî û tîya 2 serî maneno. 2020 sey fermandarê eyaletî şino warê Cilo ke verî zî tede mendo.

Hemrayê ma Brusk Lubnan de keyeyêkê erebî yê welatperwerî de yeno dinya û seba ke keyeyê ci fîkranê Rayber Apoyî nas keno o zî domanîya xo ra partîye mas keno. Badê Şorişê Rojawanî keyeyê ey reyna agêrano Rojawanî. Hemrayê ma Brusk 2016 de tewrê yewîyanê xoverdayîşî yê Rojawanî beno û tîya di serrî pratîk rayra beno û xeylêk hemleyanê vera çeteyan de ca geno. 2018 de verê xo dano koyanê Kurdîstanî û tewrê refanê gerîlayan beno. Hemrayê Brusk Akedemîya Şehîd Kadîr Usta de perwerde vîneno û warê Cîloyî de gerîlatîye keno.

Hemrayê ma Munzur bajarê Tirbesipîye yê Rojawanî de keyeyêkê welatperwerî de yeno dinya. 2011 de yewîyanê xoverdayîşî yê cayîyan ê Rojawanî  de cayê xo geno û di serrî têkoşîn keno. Nê demî de hem  xo hetê kulturê leşkerî ra aver beno hem zî fîkranê Rayber Apoyî dahîna nizdî ra nas keno. 2013 de tewrê refanê gerîlayan beno û perwerdeyê xo yê verênî warê Garê de vîneno. Hemrayê ma Munzur 2014 de verê xo dano herêma Cîloyî ke erazîya ci ya zehmet û xozaya ci ya bêhempa est a. Hemrayê Munzur 2018 de raporê çalakîya fedayîye nuseno, wazeno çalakîya fedayîye bikero.

Hemrayê ma Zana bajarê Serdeştî yê Rojhelatê Kurdîstanî de yeno dinya û serrgêra Hemleya 15ê Tebaxe ya 2013yî de tewrê refanê gerîlayan beno. Perwerdeyê şervananê neweyan Qendîl de vîneno. Badê perwerdeyî 2014 de verê xo danê warê Cîloyî û heta şehadetê xo tîya xebate raya beno. Hemrayê ma Zana tewrê zaf çalakîyan beno û wezîfeyê xo bi serkewtişî ano ca. Bitaybetî warê Oremarî de çalakîyanê bitesîran de ca geno ke derbanê giranan danê dişmenî ro.''