Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêke daye û nê pare kerdî:

''31ê gulane de artêşa tirke ya îşxalkere herêma Koyê Cûdîyî yê Şirnexî de dest pê operasyonêkî kerd. Ma do derheqê operasyono ke dewam keno de zanayîşê ke destfînî rayapêroyîye reyde pare bikerê.

Çarçeweya Hemleya Qesasî ya Şehîde Medya Mawa û Şehîd Rizgar Geverî de hêzanê ma 28ê gulane de hêrema Koyê Cûdîyî de çalakîyêke kerde. Çalakîya sabotajî ke herêma Tepê Xwişk û  Bira de vera wesayîtêkê keçpeyî ameyî kerdene de kepçe bi temamî ame îmhakerdene la derheqê merde û birîndaranê dişmenî de zanayîş nêame girewtene.

30ê gulane de hêrişê hewayî yê artêşa tirke yê vera herêma Zapî de herêma Gundê Hetutê ser o bombayî ameyî varnayene. Nê hêrişî de dewijê bi nameyê Said Celal Nureddin û lajê ci Amed Said Celan şehîd  yê erazîya xo de xebityayêne şehîd bîyî. Wesayîtê bêmerdimî yê hewayî yê dewleta artêşa tirke eşkera dîyêne ke nê kesê sivîl ê. Bi nê hêrişî reyna ame dîyenê ke artêşa tirke sivîlan bizanayîş hedef gêna. Wa hole bêro zanayene ke gonî nê sivîlan do erdî de memano. Gerîlayê azadîyê do hesabê naye biperso û qesasê heme sivalanê ke hetê dewleta tirke ra ameyî kiştene bigêro. Na çarçewe de ma keyeyê babî û lajî yê ke şehîd bîyî û heme şarê welatperwerî yê Kurdîstanî rê serweşîye wazenê.''