Merkezê Îrtîbatî û Çapemenîye yê HPGyî derheqê çalakîyanê gerîlayan de eşkerayîyêke daye.

Eşkerayîya HPGyî wina ya:

''8ê tebaxe de hêzanê ma çarçewa Hamleya Şorişgêre ya Cengê Heftanînî de ke herêma Heftanînî ya Herêman Pawitişî yê Medya de dewam kena, derbê giranî dayî artêşa TCyî ya îşxalkere ro. Çalakîyê hêzanê ma wina yê:

7ê tebaxe de artêşa TCyî ya îşxalkere bi paştdayîşê kontrayan xîret kerd ke Gelîya Pîrbûla îşxal bikera. Hêzanê ma yewinê dişmenî girewtî binê kontrolê xo. 8ê tebaxe de mesafeyêka nêzdî ta ê kerdî hedef û pêkewtişê giranî qewimîyayî. Hêzanê ma 7 baskan ra dormeyê dişmenî girewt û dişmen da adirî ver. Nê çalakîyê ke tede taktîkê suîkastî, sereştiş û hêrişî şuxilîyayî, vurîyayî operasyonêkê şorişgêrî. Helîkopterê skorsky û kobrayê ke seba berdişê leşkeranê xo ameyî, bîyî hedefê hêzanê ma.  Netîceya pirodayîşan ê îsabetdaran de derbî dîyayî helîkopterêk û skorskyêkî û nê neçare mendî ke herême biteriknê. Nê operasyonê şorişgêrî de 22 leşker-kontrayî ameyî cezakerdene û 8 leşker-kontrayî zî bîyî birîndar.

Hêzê ma şîyî serê cenazayanê dişmenî û dest na 4 çanteyanê leşkerîyan, dûrbunêk û xeylêk hacetanê leşkerîyan ser. Hêzanê ma wextêk cenazayî girewtî binê kontrolê xo îşxalkerî nêeşkîyayî mudaxeleyê warî bikerê. îşxalkerê ke derbê tarîxîyî werdî, neçare mendî ke herême biteriknê. Nê şerî de embazê ma Warşîn bi ruhê Fermandar Egîdî şer kerd û şehîd bi.

Wextê şerî de artêşa TCyî ya îşxalkere wesayîtêkê sivîlan û sivîlê ke baxçeyanê xo de bîyî, kerdî hedef.

Şewe zî teyarayanê şerî dormeyê dewamê Pîrbûla û Mînîne da bombayan ver. Nê bombardumanî de zerarêk nêresa hêzanê ma la zerarêko pîl resa bax û baxçeyanê şarê sivîlî.

Hêzanê ma yê YJA-Starî çarçewa Hamleya Qesasî ya Şehîde Medya Mawa û Rizgar Geverî de seba ke selam bidê serrgêra Hamleya 15ê Tebaxe 8ê tebaxe de qezaya Perwarî ya Sêrtî de mabênê dewanê Hêşt û Osyanî de vera konvoyêkê artêşa TCyî ya îşxalkere çalakîyêka sabotajî kerde. Na çalakîye de wesayîtê kîrpî yê konvoyî bi îsabetêkê raştî bi temamî ame îmhakerdene û 12 leşkerê dişmenî ameyî cezakerdene.

30ê temmuze de warê Koyê Gabarî yê Şirnexî de artêşa tirke ya îşxalkere warê Banî de dest pê operasyonêkê îşxalî kerd. Artêşa TCyî ya îşxalkere herême daye bombayan ver û dima leşkerê xo herême de ardî war. Operasyon de ke heta 5ê tebaxe dewam kerd embazê ma Rohat, Brûsk û Botan şehîd bîyî. Zanayîşê derheqê embazanê ma yê şehîdan de dima rayaumûmîye reyde do bêrê parekerdene.

2ê tebaxe de artêşa TCyî ya îşxalkere warê Bajêrganî yê qezaya Geverî yê Colemêrgî de dest pê operasyonî kerd û 7ê tebaxe de operasyonê xo bênetîce qedîna.

8ê tebaxe de teyarayanê şerî waranê Sîdan, Kurojaro, Saca, Zap û Werxelê ser o bombayî varnayî. Bombardumanan de zerarêk nêresa hêzanê ma ser.''