Merkezê Îrtîbatî û Çapemenîye yê HPGyî derheqê ajanêkî de zanayîş da.

HPGyî vat: ''Şexso bi nameyê Cotyar Muhsîn Hisen seba ke koordînatê nuqtayanê gerîlayan dayî û bîyo sebebê bombardûmanan hetê hêzanê ma ra ameyo tepiştene.

 Ma sey hêzanê PKKyî  fedaîyê şarê Kurdîstanî yê ke semedê pawitişê erjanê bingeyênan ê azadîye, demokrasî û edaletî têkoşîn kenê. Wa şarê ma yo erjaye yê Başûrî bizano ke ma bîlasebes çewî/e nêtepişenê û bîlaheq qerarêk nêgenê û zerarêk nêdanê.

La êyê ke sey Cotyar Muhsînî semedê panc quruşan gonîya gerîlayan rişnenê bi mîtîngan raştîyan nimnenê. Ganî sere de merdimê Cotyarî û heme dormeyê û şarê Behdînanî vera na rewşe vengê berz bikero û înanê ke Cotyar kerdo ajan fînayo no hal  pêsîrê înan ra tepişê û înan ra hesab bipersê.

Cotyar eşîrê Berwarî ra yo. Ma tim pîya bi eşîrê Berwarî ciwîyenê û heta ewro ma înan ra xirabîyêke nêdîya. La tayê ke pîya bi MÎTî xebityenê ciwanan kenê ajan. Ganî eşîrê Berwarî û şarê Behdînano erjaye destûr naye medo, meverdo ciwanî bikewê destê seydwananê merdiman û wayîrê ciwananê xo bivejîyê.

Şarê Bedînano ke heta nika têkoşînê azadîye de bedelê girdî dayî ganî vera nê seydwananê merdiman hîşyar bo. Şarê ma yo erjaye yê Başûrî ganî vera înanê ke îstîhbarat  danê, bi dişmenî hemkarîye kenê û semedê pereyî qerreyê şarê xo kenê tewirê xo ramojnê.''