Merkezê Îrtîbatî û Çapemenîye yê HPGyî bi eşkerayîyêka nuştekîye derheqê hêrişê hewayî yê dewleta tirke yê vera Mexmûr, Şingal û waranê gerîlayan nê zanayîşî pare kerdî:

''Dewleta tirke ya îşxalkerê hêrişê Herêmanê Pawitişî yê Medya, Kampa Multecîyan a Mexmûrî û Şingalî kerd û medayaya xo de no sey hêrişê vera PKKyî serwis kerd. Deweleta tirke ke hêrişê şarê sivîlî ke herra xo paweno û hêzê asayîşî yê ke hetê şarî ra ameyî raameyene kerd bi xeberanê zûran wazena qirkerdişanê xo binimino. Şarê ma yo ke zulmê dewlete tirke ra remayo Kampa Mexmûrî de û şarê êzidî ke vera DAÎŞî xover dano Şingal de ame pirodayene. Deweleta tirke bi nê hêrişan rîyê xo yo qirker reyna ramojna. Nêwazenê ke qet cayêk de destkewteyê kurdan bibê. Bi bahaneyanê cîya cîyayan hêriş kenê. Nê hêrişê qezancanê şarê kurdî û şaranê  herême hedef gênê. Nê hêrişê ke vera şarê Mexmûr û Şingalî ameyî kerdene zîhnîyetê DAÎŞî ra cîya nîyê. Cayê ke raştê hêrişî ameyî de atktîvîte û têgêrayîşê hêzanê HPGyî çînê bi. Vera hêrişanê îşxalkaran ê vera destkewteyanê şarê kurdî ê heme parçeyan hêzê ma do cewabê giran bidê.

Teyarayanê şerî 15ê hezîrane de warê Sida û Şehîd Rustemî yê herêma Zapî, warê Werxelê yê Avaşînî, warê Sininê yê Xakurkê, warê Şehîdan û Zergelê yê Qendîlî bombarduman kerdî. Nê hêrişan de vînîbîyayeyê ma çîn ê.''