Merkezê Îrtîbatî û Çapemenîye yê HPGyî derheqê hêrişanê artêşa tirke de eşkerayîyêke daye û nê pare kerdî:

''8ê hezîrane de artêşa tirke ya îşxalkere mabênê dewanê Hindisî û Selima yê qezaya Farqînî ya Amedî de opersyon da destpêkerdene. Operasyono ke bi tewrbîyayîşê wesayîtanê zirxinan û helîkopteranê hêrişî ame kerdene de herême ameye bombardumankerdene. Bombarduman heta saetan sere sibayî yê roja bîne dewam kerd. Îşxalkeranê ke operasyonî ra tiway dest nêfîna bi hedef girewtişî heywanê şarî mirnayî. Hêzê îşxalkerî reyna bi kincanê hêzanê ma dewanê Cumate, Hindis û Selima de falîyetê kotnrayî rayra berdî.

10ê hezîrane de zî artêşa tirke warê Mergezerê yê qezaya Qilebanî ya Şirnexî de oparasyonêk da destpêkerdene. Eynî roje herême bi helîkopteran ameye bombardumankerdene. 12ê hezîrane de zî teyarayanê şerî herême bombarduman kerde û eynî roje operasyon destveng peyser ame antene.

12ê hezîrane de teyarayanê şerî  warê Deşta Kafya û Kanisarkê yê Garê de sivîlan  ser o bombayî varnayî.  Netîceya hêrişê îşxalkeran de arazî de şewat vejîya.''