Merkezê Îrtîbatî û Çapemenîye yê HPGyî (HPG-BÎM) di gerîlayê ke 2015 de herêmanê Serhed û Garzanî de şehîd bîyê yad kerdî. Eşkerayîye wina ya:

''Serra 2015î de operasyonanê artêşa dewleta tirke ya qirkere yê vera hêzanê ma yê gerîlayan de herêmanê Serhed û Garzanî de embazanê ma Rizgar û Zerdeştî bi çêrî şer kerd û şehîd bîyî. Ma embazanê xo bi rêzdarî yad kenê.

Nasnameyê wird embazanê ma wina yê:

Nameyê Qodî: Rizgar Serhildan Name û Peyname: Reşît Çetînkaya Cayê Bîyayîşî: Mûş Maye-Pî: Cevahîre – Mehmet Tarîx û Cayê Şehadetî: Teşrîna Verêne ya 2015î / Serhed

Nameyê Qodî: Zerdeşt Sîser Name û Peynama: Mehmet Çevîk Cayê Bîyayîşî: Amed Maye-Pî: Nazîfe – Mehmet Mehdî Tarîx û Cayê Şehadetî: 22ê Kanûna 2015î / Garzan

Embazê ma Rizgar Mûş de dadîya xo ra bîyo. Semedo ke wezîfe û mesuldarîya xo bîyaro ca serra 2015î de embaz Rizgar dezayê xo reyde tewrê gerîlayan bi. Embaz Rizgarî pê kesayetê xo yê fedakarî bale ante xo ser, pê kede xo awan kerd. O meydanê şerî de zî pê terzê xo yê fedayî embazanê xo rê bi mîsal. Embaz Rizgar 2015 de warê Çemçî yê Qersî de dima ke derbê giranî dayî dişmenî ro birîndar bi, semedo ke mekewo destê dişmenî hewteyêk cayêk de xo nimit û dima zî şehîd bi. Embaz Rizgarî dişmenî rê minet nêkerd û pê nê tewirê xo vîrê embazanê xo de ca girewt. Embaz Rizgar pê tewirê xo bi sebebê berzkerdişê têkoşînî.

Embaz Zerdeşt Amed de dadîya xo ra bîyo. Embaz Serdeşt vera hêrişanê îşxalî yê dişmenî tewrê gerîlayan bi. Ey tewrbîyayîşo bêteredut xo rê kerd esas, bi milîtanêko mîsal ê Apogîran. O wextêkê kilmî de pê hewesê xo cuya gerîlayan musa û rolêko aktîf ard ca. Embaz Zerdeştî hêrsê xo yê vera dişmenî kerd sebebê têkoşînî û xo rê kerd wezîfe ke waranê şerê giranî de ca bigêro. Ey operasyonanê 'Planê Çokdayîşî' yê dişmenî yê veera gerîlayan û şarê kurdî de bi hawayêkê fedayî vera dişmenî şer kerd. Ey pêkewtişan de derbê giranî dayî dişmenî ro û bi nê hawayî şehîd bi.

Ma sey şerwananê PKKyî soz danê ke armancanê şehîdan û şarê xo qetî bîyarê ca. Nê esasî ser o sere de keyeyanê ercîyayeyan ê embazan Rizgar û Zerdeştî pêro şarê welatperwerî yê Kurdîstanî rê serweşîye wazenê.''