Merkezê Îrtîbatî û Çapemenîye yê HPGyî nasnameyê di şehîdan eşkera kerdî. Eşkerayîye wina ya:

''1ê teşrîna peyêne ya 2024î de Herêma Şehîd Delîlî ya Rojawanê Zapî de embazê ma Diljîne û Pîrane şehîd bîyî.

Embazanê ma Diljîne û Pîrane sey şerwananê YJA-Starî vera hêrişanê îşxalî yê dişmenî erkê xo ardî ca û serkêşîye kerde. Embazanê ma Diljîne û Pîrane bi kesayetê xo yê sade û duristî zerrîya pêro embazanê xo de ca dî.

Ma soz danê ke bibê perwerê vîrameyîşanê embazanê xo Diljîne û Pîrane, xeyal û armancanê înan bîyarê ca. Ma sere de keyeyanê embazanê xo yê ercîyayeyan rê pêro şarê Kurdîstanî, Çelê û Mexmûrî yê welatperwerî rê serweşîye wazenê.

Nasnameyê embazanê ma yê şehîdan wina yê:

Embaza ma Diljîne Colemêrg de dadîya xo a bena. Embaza ma tim kewena cigêrayîşan pey û bire dana ke têkoşînêko tewr raşt mîyanê gerîlayan de yo. Coka a 2014 de vera hêrişanê DAÎŞî tewra gerîlayan bena. Embaza ma Diljîne cade bena gerîlayêka YJA-Starî ya serkewte û perwerdeyê xo qedînena. A Herêmanê Pawitişî yê Medya de cepheyanê şerî yê tewr giranan de cagêna û cewab dana hêrişanê dişmenî. A peyê xo de rêçanê mendeyan verdena. Ma soz danê ke ala aye ya têkoşînî ser bivisnê.

Embaza ma Pîrane Mexmûr de dadîya xo ra bena. A hêverî Kampa Mexmûrî de tewra xebatanê partîye bena û dima zî tewra gerîlayan bena. Embaza ma Pîrane bi eşqêkê pîlî perwerde gêna û xo aver bena. A cade bena gerîlayêka marîfetîne û refanê YJA-Starî de cagêna. A heta şehadetê xo Herêmanê Pawitişî yê Medya de têkoşîn kena û pêro erk û mesuldarîyanê xo ana ca. A peyê xo de têkoşînêkê pîlî verdana. Ma soz danê ke vîrameyîşê aye bikerê sebebê têkoşînî û xeyalê aye Kurdîstanê Azadî de bîyarê ca.''