Merkezê Îrtîbatî û Çapemenîye yê HPGyî gerîlayî Harun Firat û Zinar Tatvan ê ke 26ê teşrîna verêne de çalakîyêka fedayî ya Îskenderunî de şehîd bîyî bi eşkerayîyêke yad kerdî.

Eşkerayîya HPGyî wina ya:

''Ma eşkerayîya xo ya 29ê teşrîna verêne de dabi eşnawitene ke 26ê teşrîna verêne de tîma ma ya profesyonele ya 2 gerîlayan qezaya Îskenderunî ya Hatayî de çalakîye kerde. Na çalakîye de embazê ma Harûn û Zinarî vera dişmenê kolonyalîstî Payas û Îskenderun de bi çêrî çalakîyA fedayîye kerde û şehîd bîyî.  Nasnameyê embazanê ma yê şehîdan wina yê:

Nameyê Qodî: Harun Firat Name û Peyname: Dogan Demir Cayê Bîyayîşî: Qerqelî Maye-Pî: Aklîme – Arslan Tarîx û Cayê Şehadetî: 26ê Teşrîna Verêne ya 2020î/Îskenderun

Nameyê Qodî: Zinar Tatvan Name û Peyname: Îdrîs Înce Cayê Bîyayîşî: Bedlîs Maye-Pî: Gultene – Riskî Tarîx û Cayê Şehadetî: 26ê Teşrîna Verêne ya 2020î/Îskenderun

Embazê ma Harun qezaya Qerqelî ya Wanî de dadîya xo ra bîyo û serra 2012î de tewrê gerîlayan bi. Embaz Harun heta roja şehadetê xo tim pê kesayetê xo yê zerrînizmî û fedakarîya xo şinasîya û bi tewrbîyayîşê xo îradeyê fedayîyanê Kurdîstanî kerd zixmêr. Embaz Harunî tim xîret kerd ke dişmen çin bikero û bi çalakîya fedayîye cewab da nê xîretê xo.

Embazê ma Zinar Bedlîs de dadîya xo ra bîyo û dima ke xebatanê ciwanan de ca girewt tewrê gerîlayan bi. Embaz Zinarî metropol û koyan de pêro wezîfeyê xo ardî ca. Embaz Zinarî akademîyan de perwerde da zaf embazan û bi fermandarêko rayber û mîsal. Embaz Zinarî pê gerîlatîya xo derbê giranî dayî dişmenî ro, bi çêrî şer kerd û şehîd bi.

Çalakî û tewiro fedayî yê embaz Harun û Zinarî seba milîtanîya fedayî ya dewrê neweyî mîsalê pîlî yê. Ma soz danê ke ma do rêçê înan ser o şorê, armancê înan bîyarê ca, Kurdîstanê Azadî awan bikerê û Rayberîye azad bikerê û bi nê hawayî bibê layîqê keyeyan.

Nê esasî ser o ma sere de keyeyanê ercîyayeyan ê embazanê ma yê şehîdan rê pêro şarê welatperwerî yê Kurdîstanî rê serweşîye wazenê.''