Merkezê Îrtîbatî û Çapemenîye yê HPGyî bi eşkerayîyêke Fermandar Baz Azad Pîro bi rêzî yad kerd. Eşkerayîye wina ya:

''Embazê ma Fermandar Baz Azad Pîroyo ke 25ê êlula 2020î de Herêmanê Pawitişî yê Medya de şehîd bibi, ma ey bi rêzî serrgêra şehadetê ci de yad kenê.

Ey 15 serran refanê gerîlayan de, bê teredut, bê hesabî û bi perwerîyêka tame têkoşîn kerd. Sey embazanê ci ma xo bitelehî vînenê ke ma seba heman armancî û xeyalî ey reyde têkoşîn kerdo. Ma soz danê ke do bibê perwerê vîrameyîşê embazê Pîroyî û ser bikewê. Sere de keyeyê embaz Bazî rê ma pêro şarê Kurdîstanî yê welatperwerî rê serweşîye wazenê.

Nasnameyê embazê ma Bazî wina yo:

Embazê ma Baz qezaya Pîranî ya Amedî de, keyeyêkê welatperwerî de dadîya xo ra beno. O hema domanîya xo de gerîlayan şinasneno. O hêverî xebatanê ciwanan de cagêno û dima destê dişmenî de beno. Dima ke zîndanî ra vejîyeno wazeno bibo gerîla. Hemleya 1ê Hezîrana 2004î ra dima o 2005 de Amedî ra tewrê gerîlayan beno.

O Herêmanê Pawitişî yê Medya de perwerde vîneno. Xakukê de pratîkê yewinî keno. 2007 de mîyanê Hêzanê Taybetan de cagêno. O xebatanê girîngan û stratejîkan keno. Dima waştişê xo ser o 2012 de derbazê Amedî beno. O 2014 de vera DAÎŞî tewrê xoverdayîşê Kobanê beno. O tîya de fermandarîya cepheyî keno.

Embazê ma Baz agêreno koyan û 2016 de asta akademîke de perwerdeyî vîneno. Embazê ma Baz sey fermandarêkî pêro erk û mesuldarîyanê xo bi cidîyetî ano ca û têkoşînêkê fedayî keno. 

Embazê ma Baz bi cu, têkoşîn û hûyayîşê xo yê germînî tim do ma rê serkêşîye bikero. Sey embazanê ci ma soz danê ke xeyalê ey ê Rayberîya Azade û Kurdîstanê Azadî biresnê serfîrazîye.''