Merkezê Îrtîbatî û Çapemenîye yê HPGyî koma gerîlayan a ke tira xeberêke nêgêrîyena ser o eşkerayîye daye.

Eşkerayîye wina ya:

''Komêka ma ya gerîlayan wexto ke cayêkê wezîfeyî ra şîyêne cayêkê bînî nêzdîyê Xelîfanî de 26ê temmuze de têkilîya înan a bi ma birîyaye.

Goreyê agahîyanê ke ma şarê herêmî ra girewtî tay hêzê PDKyî îxbarêkî ser o pê cayê koma ma hesîyayî, nê hêzan dormeyê kome girewto, wexto ke kome xîret kerd warî ra şoro nê hêzan hêrişê kome kerdo û tay embazê ma netîceyê hêrişî de şehîd bîyê. Agahîyê şarê herêmî wina yê. No war zî hetê hêzanê PDKyî ra gêrîya binê abluqa, dekewtiş û vejîyayîşê ci ame qedexekerdene û derheqê babete de sewbîna agahîye nêameye destvistene.

Aseno ke goreyê eşkerayîyanê tay selahîyetdaranê PDKyî o çax Xelîfan de serebûtêk qewimîya. Ma aqîbetê embazanê xo ra semed zaf qerqilîyenê. Nêbeno ke komêka ke uca ra derbaz bena bigêrîyaya binê abluqa û maruzê hêrişî biba. Na rewşe nêna qebulkerdene. Eşkera yo ke no tewir têna dişmenê şarê Kurdîstanî rê xizmet keno.

Ma pabeyê ci yê ke PDK derheqê aqîbetê embazanê ma de rayaumûmîye û ma rê agahîyanê raştikên, pêbaweran û asayîyan bidê.

No hêriş nê prosesê krîtîkî de beno ke zeraranê pîlan bidê menfaatanê neteweyîyan ê kurdan. Coka ma venga şarê xo danê ke vera nê hêrişî hîsger bibo û ma venga pêro hetanê sîyasîyan danê ke çarçewa wezîfeyê neteweyî de mesuldarîyanê xo bîyarê ca.''