Merkezê Îrtîbatî û Çapemenîye yê HPGyî bieşkerayîyêka nuştekîye da zanayene ke gerîlayêk Avaşîn de şehîd kewt û nasnameyê ey eşkera kerd.

HPGyî vat: ''1ê temmuze de mabanê Qilê Xwedê û Qilê Bayrakî yê herêma Avaşînî yê Herêmanê Pawitişî yê Medya mabênê yewîyêka ma û hêzanê dişmenî de pêkewtiş vejîya. Nê pêkewtişî de embazê ma Çîya ke heta guleyê xo yê peyênî vera îşxalkeran bi hawayêkê qehremankî şer kerd, tewrê kerwanê şehîdan bi.

Zanayîşê nasnameyê embazê ma yê şehîdî wina yê:

Nameyê Qodî: Çîya Amed Name û Peyname: Bariş Tektaş Cayê Bîyayîşî: Amed Maye-Pî: Semra – Bedrî Tarîx û Cayê Şehadetî: 1ê Temmuza 2020î / Avaşîn

Embazê ma Çîya Amedo ke cayêko welatperwer de ameyo dinya serranê xo yê ciwan de berpirsîyarîya pîle girewte xo ser û tewrê têkoşînê ma bi. Hela ke ame warê gerîlayan ra nata ruhê ciwanîye tim ramojna û kede pîle daye. Hemrayê ma Çîya semedê azadîya şarê kurdî merhaleya tewr corên de gerîlatîye kerde û hemverê hêrişê îşxalî yê dişmenî de bê teredutî ca girewt. Semedê xelisnayîşê Kurdîstanî heta hela peyêne şer kerd û tewrê qehramanê şarê kurdî bi.

Ma sere de keyeyê ci rê pêro şarê welatperwerî yê Kurdîstanî rê serweşîye wazenê û sozê xo dibare kenê ke ma do têkoşînê embazanê xo yê şehîdan biresnê serfîrazîye.''