Merkezê Îrtîbatî û Çapemenîye yê HPGyî eşkera kerd ke hêrişê îşxalî yê vera Herêmanê Pawitişî yê Medya de 2 gerîlayî şehîd bîyî.

Eşkerayîya HPGyî wina ya:

'' Hemrayê ma sere de herêma Avaşînî Herêmanê Pawitişî yê Medya de bi xoverdayîşê tarîxî derbanê pîlan danê artêşa tirke ya îşxalkere ro. Hemrayê ma yê ke hewesê îşxalkeran qirrika înan de verdenê semedê azadîya şarê xo bêteredut heta nefesê xo yê peyênî şer kenê.

Hemrayê Pîrdogan Amedo ke xeylêk çalakîyanê herêma Avaşînî de vernî de ca girewt, 27ê nîsane de çalakîyêke de birîndar bi û bado ke çalakîye ra peyser ancîya tewrê kerwanê şehîdan bi. Hemrayê ma Pîrdogano ke keyeyêko welatperwer de ameyo dinya cayo ke wayîrê tradîsyonê kurdîye û ercanê ci yeno vejîyayene de bi pîl. Keyeyê ci tewrbîyayîşê aktîfî yê Têgêrayîşê Azadîye yê Kurdîstanî estê. O zî sey înan tewrê sefanê gerîlayan bi. Hemrayê ma Pîrdogan nê xoverdayîşê tarîxî de şi dişmenî ser û xeylêk çalakîyan de rolê pîlî girewtî xo ser û biserkewtiş ardî ca.  Xeylêk çalakîyanê herêma Avaşînî de vernî de ca girewt û sey mîlîtanêkê Apoyîyî tarîx de cayê xo girewt. 

Hemrayê ma Şoreş Botan 5ê gulane de warê Şamkê yê herêma Zapî de gama ke serê wezîfeyê xo de bi netîceya bombardumanî de şehîd bi. Hemrayê ma Şoreş keyeyêko welatperwer ê Wanî de ameyo dinya û bi kulturê qedîmî yê Serhadî bi pîl. Seba ke keyeyê ci bedelî dayî hema domanîya xo de zulmê dewlete rê şahîdîye kerde û ciwanîya xo de verê xo da koyanê azadan. Hemrayê ma Şoreşî  xeylêk çalakîyanê Herêmanê Pawitişî yê Medya ca girewt û pê meharetê xo yê leşkerî û hunerî bi wayîrê pratîkanê serkewteyan. Sere de warê Ciloyê Qicî vera dişmenî çalakîyan de serkêşîye kerde wezîfeyê xo yê şorişgêrî yê ke cuya milê ey dî bar kerdî serkewte ardî ca.

Ma sere dê keyeyanê ercîyayeyan ê hemrayanê xo Şoreş û Pîrdoganî heme şarê welatperwerî yê Kurdîstanî rê serweşîye wazenê û reyna soz danê ke ma do têkoşînê şehîdan bi serkewtişî tacîdar bikerê.

Nasnameyê embazanê ma yê şehîdan wina yê:

Nameyê Qodî: Şoreş Botan

Name û Peyname: Kemal Turker

Cayê Bîyayîşî: Wan

Maye-Pî: Lalîhan – Omer

Tarîx û Cayê Şehadetî: 6ê Gulana 2021î / Zap

Nameyê Qodî: Pîrdogan Amed

Name û Peyname: Mahfus Goçeri

Cayê Bîyayîşî: Amed

Maye-Pî: Delal – Zulkuf

Tarîx û Cayê Şehadetî: 27ê Gulana 2021î / Avaşîn