HPGyî da zanayene ke gerîlayê bi nameyanê Zerdeşt û Merwanî netîceya hêrişanê kîmyewîyan de şehîd bîyê û vat: ''Nê embazê ma pê xoverdayîşê xo hertim do sey çêranê şarê kurdî bêrê yadkerdene.''
Merkezê Îrtîbatî û Çapemenîye yê HPGyî bi eşkerayîyêke nasnameyê gerîlayanê ke pê kîmyewîyan şehîd bîyê, eşkera kerdî
Eşkerayîye wina ya:
''Vera operasyonê îşxalî yo ke 14ê nîsane de dîyabi destpêkerdene, Zap de embazanê ma Zerdeşt û Merwanî 2 mengan tewr vernî de şer kerd û xoverdayîşêko tarîxî ard ca. Embazanê ma Zerdeşt û Merwanî kerd ke dişmen tunelanê şerî de bi desan kişteyan bido û vera hêrişanê barbaran ê dewleta tirke ya faşîste vernîya cepheyî de xo ver da. Vera artêşa faşîste ya ke sey artêşa tewr pîle ya diyîne ya NATOyî şinasîyena nê embazanê ma xoverdayîş resna lewe. Dewleta tirke ya faşîste pê xoverdayîşê gerîlayan nêeşkaye û reyna vera gerîlayanê azadîye yê Kurdîstanî bi giranî çeka kîmyewîye xebitnaye. Netîceya hêrişê çeka kîmyewîye de embazê ma Zerdeşt û Merwan şehîd bîyî. Embaz Zerdeşt û Merwan pê xoverdayîşê xo hertim do sey çêranê şarê kurdî bêrê yadkerdene.
Nasnameyê embazanê ma yê şehîdan wina yê:
|
|
Nameyê Qodî: Zerdeşt Ranya Name û Peyname: Karwan Kadir Husên Cayê Bîyayîşî: Ranya Maye-Pî: Nahîde – Kadîr Tarîx û Cayê Şehadetî: 14ê Hezîrana 2022yî / Zap |
|
|
Nameyê Qodî: Mervan Baz Name û Peyname: Şehmuz Akkoyun Cayê Bîyayîşî: Amed Maye-Pî: Mesure – Musba Tarîx û Cayê Şehadetî: 14ê Hezîrana 2022yî / Zap |
Embaz Zerdeşt Ranya de dadîya xo ra beno. O verî 2006 de tewrê xebatanê ciwanan beno û mîyanê nê xebatan de PKK û Rayber Apoyî hîna nêzdî ra şinasneno. Embaz Zerdeşt 2014 de Zagrosan de tewrê gerîlayan beno û heta şehadetê xo Zagrosan de maneno. Embaz Zerdeşt hema roja verêne de pê kesayetê xo mazharê heskerdiş û hûrmetê embazanê xo beno. Embaz Zerdeşt tim xîret keno ke layîqê xeta şehîdan bibo. Embaz Zerdeşt hem hetê îdeolojîkî ra hem zî hetê leşkerîye ra tim xo aver beno, xorin beno û tecrubeyanê xo zî tim embazanê xo de pare keno.
Embaz Merwan Amed de dadîya xo ra beno. Embaz Merwan dima ke têkoşînê PKKyî û armancê ci şinasneno verê xo dano koyan. Embaz Merwan wextêkê dergî warê Xakurkê de têkoşîn keno, derbanê giranan dano dişmenî ro. Embaz Merwan dima seba ke bibo gerîlayêko profesyonel waştişê xo ser o derbazê Zapî beno.
Embaz Merwan Zap de warê îdeolojîkî û warê leşkerîyî de perwerdeyanê girîngan gêno û tim xo aver beno. Embaz Merwan pê kesayetê xo beno mazharê hûrmetê embazanê xo û o beno çimeyê moral û hêzê embazanê xo.
Sere de keyeyanê Zerdeşt û Merwanî yê ercîyayeyan rê ma pêro şarê welatperwerî yê Kurdîstanî rê serweşîye wazenê. Ma ancî soz danê ke xeyalê embazanê ma 'Kurdîstanê Azadî û Rayberîya Azade' bîyarê ca.''
