HPGyî nasnameyê 2 şehîdan eşkera kerdî
HPGyî nasnameyê di şehîdanê Mêrdînî eşkera kerdî û vat: ''Embazê ma Îbrahîm û Nurhak bîyî serkêşê Şerê Şarî yê Şorişgêrî ke Vakurê Kurdîstanî de berz beno.''
Merkezê Îrtîbatî û Çapemenîye yê HPGyî nasnameyê di şehîdanê Mêrdînî eşkera kerdî. Eşkerayîye wina ya:
''10ê teşrîna verêne ya 2023yî de herêma Omeryanî ya Mêrdînî de mabênê embazanê ma Îbrahîm û Nurhakî û artêşa tirke ya îşxalkere de temas qewimîya û netîceya cewabdayîşê embazanê ma de pêkewtişê giranî qewimîyayî. Artêşa îşxalkere bi rojan pê teknîkê şerî û bi seyan îşxalkeranê xo hêrişê embazanê ma kerd. La embazanê ma Îbrahîm û Nurhakî bi cesaret û fedakarîyêka pîle cewab da hêrişan. Nê pêkewtişan de embazanê ma Îbrahîm û Nurhakî derê giranî dayî dişmenî ro, 3 îşxalkerî ceza kerdî û xeylêk îşxalkerî zî birîndar kerdî. La artêşa îşxalkere û medyaya şerê taybetî nê kişteyê xo nimitî. Embazanê ma Îbrahîm û Nurhakî bi qehremanî şer kerd, xoverdayîşo destanwarî kerd û heta nefesê xo yê peyênî têkoşîn kerd. Embazê ma Îbrahîm û Nurhak bîyî serkêşê Şerê Şarî yê Şorişgêrî ke Vakurê Kurdîstanî de berz beno.
Ma sere de keyeyanê înan ê ercîyayeyan rê pêro şarê welatperwerî yê Kurdîstanî rê serweşîye wazenê. Ma soz danê ke ala şorişî ya embazanê xo bi mesuldarî û hişmendî berz bikerê.
Nasnameyê embazanê ma yê şehîdan wina yê:
|
|
Nameyê Qodî: Îbrahîm Tolhildan Name û Peyname: Bîlal Şahîn Cayê Bîyayîşî: Êlih Maye-Pî: Lamîa – Alî Tarîx û Cayê Şehadetî: 10ê Teşrîna Verêne ya 2023yî / Mêrdîn |
|
|
Nameyê Qodî: Nurhak Dêrik Name û Peyname: Ramazan Temel Cayê Bîyayîşî: Mêrdîn Maye-Pî: Mehdîye – Cebraîl Tarîx û Cayê Şehadetî: 10ê Teşrîna Verêne ya 2023yî / Mêrdîn |
Embazê ma Îbrahîm Êlih de dadîya xo ra beno. Embaz Îbrahîm şehadetê xalzayanê xo Metîn Şahîn û Zekî Şahînî ra dima tewrê xebatanê ciwanan beno û 2013 de zî verê xo dano koyan beno gerîla. O Garzan de pratîkan keno û dima derbazê Herêmanê Pawitişî yê Medya beno. Embazê ma Îbrahîm tim xo aver beno û tecrubeyanê pîlan visneno destî. Dima o derbazê Eyaletê Mêrdînî beno û tîya de bi qehremanî têkoşîn keno. Embaz Îbrahîm heta nefesê xo yê peyênî şer keno û beno şehîdê Mêrdînî.
Embazê ma Nurhak Mêrdîn de dadîya xo ra beno. O Wêranşarê Riha de beno pîl. Embaz Nurhak xoverdayîşê Kobanê ra dima bi tesîrê têgêrayîşê azadîye bire dano ke bibo gerîla û 2015 de verê xo dano koyan. O Metîna de dest pê gerîlatîye keno û 3 serran tîya de bi xurtî têkoşîn keno. Embazê ma Nurhak dima 2019 de derbazê Mêrdînî beno. O Mêrdîn de refanê têkoşînî yê vernîyan de cagêno û derbanê giranan dano dişmenî ro. Embaz Nurhak 10ê teşrina verêne de embaz îbrahîmî reyde beno şehîd.''
