Merkezê Îrtîbatî û Çapemenîye yê HPGyî nasnameyê 2 şehîdanê Cûdîyî eşkera kerdî. Eşkerayîye wina ya:

''19ê teşrîna peyêne ya 2020î de artêşa tirke ya îşxalkere warê Girê Hirmoyî yê herêma Cûdîyî de operasyonêk da destpêkerdene. Prosesê nê operasyonî de warê Cûdîyî bi giranî dîya bombayan ver. 23ê teşrîna peyêne de operasyon qedîya. Embazê ma Bahoz Botan û Kendal Licê nê operasyonî de şehîd bîyî. Nasnameyê embazanê ma yê şehîdan wina yê:

Embazê ma Bahoz Cizîre de dadîya xo ra bîyo û vera asîmîlasyonê dewleta tirke hema ciwanîya xo de 2014 de verê xo da koyan û tewrê gerîlayan bi. Embaz Bahozî îdeolojîya Rayber Apoyî xo rê kerde esas û xo averberdişê taktîk û terzê gerîlatîya moderne kerd armanc. Embaz Bahozî wextêkê kilmî de bi gerîlayêko marîfetin û pê hîşmendîya mesuldarîya şehîdan tim xo newe kerd û bi cewabê mesuldarî û wezîfeyê dewrî.

Embazê ma Kendal Amed de dadîya xo ra bi û seba ke wezîfeyê xo bîyaro ca serra 2014 de tewrê gerîlayan bi. Embaz Kendalî verî Cûdî de fermandarêkê xoverdayîşê Kobanê Gelhat Gabarî ra perwerde girewt. Embaz Kendalî 2015î ra heta 2020î vera pêro hêrişan Cûdî de tewr vernîya têkoşînî de ca girewt, Girê Hirmoyî ra heta Bilika, Sefîne ra heta Girê Çolya, Silopî ra heta Nêwava û Cûdî xeylêk waran de kede daye û pê tecrubeyê xo bi fermandar. Embaz Kendalî warê Cûdîyî de rayberîya xeylêk çalakîyan kerde û xegta gerîlatîya moderne pratîze kerde. 

Sere de keyeyanê ercîyayeyan ê embazanê ma yê şehîdan rê ma pêro şarê welatperwerî yê Kurdîstanî rê serweşîye wazenê.''