Merkezê Îrtîbatî û Çapemenîye yê HPGyî nasnameyê 2 gerîlayanê ke 30ê hezîrane de warê Xantûrî yê Heftanînî de şehîd bibî eşkera kerdî 

Eşkerayîya HPGyî wina ya:
''Hêrişê hewayî yê artêşa  TCyî de 30ê hezîrane de warê Xantûrî yê Herêmanê Pawitişî yê Medya de embazê ma Welat û Şoreşger şehîd bîyî. Zanayîşê derheqê nasnameyê embazanê ma de wina yê:

Embaz Welat serra 1992î de Dêrik de dadîya xo ra bîyo û Rojawan de tewrê gerîlayan bi. Embaz Welat cuya xo ya gerîlatîye de xeylêk waran de wezîfe kerd û pê enerjîya xo ya peyêne têkoşîn kerd. Embazê ma Welatî pê ruhê Apogirîye xo perwerde kerd û embazanê xo rê rayberîye kerde.

Embazê ma Şoreşger serra 1990î de Sêrt de dadîya xo ra bîyo. Embazê ma Şoreşgero ke keyeyê ci zorbazîya dewlete ra koçê Adana kerd, wexto ke Zanîngehê Mugla de wendêne tewrê karanê welatperwerîye bi. Embaz Şoreşger serra 2014î de tewrê gerîlayan bi û cuya xo ya gerîlatîye de tim xo aver berd. Embazê ma pê ked û zerrînizmîya xo pêro waran de vera dişmenî xo ver da û xeta xo ya milîtanîye mojnaye ra.

Sere de keyeyanê erjîyayeyan ê Welat û Şoreşgerî rê ma pêro şarê Kurdîstanî yê welatperwerî rê serweşîye wazenê. Ma soz danê înan de ma do pê ruhê xoverdayîşî ke şehîdanê ma awan kerdo, alaya têkoşînî berz bikerê û têkoşîn pê serkewtişî tacîdar bikerê.''