Merkezê Îrtîbatî û Çapemenîye yê HPGyî nasnameyê 2 şehîdanê Zapî eşkera kerdî. Eşkerayîya HPGyî wina ya:

''19ê hezîrana 2020î de hêrişê hewayî yê artêşa tirke ya îşxalkere de warê Sîda yê Zapî de embazê ma Êriş û Sîdar şehîd bîyî. Ma embazanê xo serrgêra şehadetê înan de bi rêzdarî yad kenê, soz danê ke ma do têkoşînê înan pê serkewtişî tacîdar bikerê.

Nasnameyê embazanê ma yê şehîdan wina yê:

Nameyê Qodî: Êrîş Rizgar Name û Peyname: Kamûran Genç Cayê Bîyayîşî: Colemêrg Maye-Pî: Emîne – Cemal Tarîx û Cayê Şehadetî: 19ê Hezîrana 2020î / Zap

Nameyê Qodî: Sîdar Zagros Name û Peyname: Serhildan Bor Cayê Bîyayîşî: Colemêrg Maye-Pî: Cahîde – Veysî Tarîx û Cayê Şehadetî: 19ê Hezîrana 2020î / Zap

Embazê ma Êrîş Colemêrg de dadîya xo ra bi û vera kolonyalîzmê dewleta tirke ya îşxalkere 2015 de tewrê gerîlayan bi. Embaz Êrîş tim kînê xo yê vera dewleta tirke gandar kerd û mîyanê embazanê xo de pê zerrînizmî û cigêrayoxîya xo şinasîya. Embaz Êrîş bi xurtî perwerê Rayberîye, şehîdan û embazîye bi. Embaz Êrîşî pê na perwerî Zap de vera hêrişanê îşxalî têkoşîn kerd. Waştişê ci yê têkoşînî tim do embazanê ey rê rayberîye bikero.

Embazê ma Sîdar Gever de dadîya xo ra bi û pê îradeyê xo yê xurtî ciwanîya xo de tewrê gerîlayan bi. Embaz Sîdar pê kedkarî, duristî û bêhesabîya xo bi mazharê heskerdişê embazanê xo. O pê enerjîya ciwanîya xo bi çimeyê moral û hêzî yê embazanê xo. Embaz Sîdar wextê kilmî warê têkoşînî de hunerê xo mojna. Embazê ma Sîdar rayberêkê ciwananê Geverî bi kesayetê ci yo milîtan tim do têkoşînê embazanê ci de dewam bikero.

Ma sere de keyeyanê ercîyeyan ê embazanê xo rê, pêro şarê Colemêrgî û şarê welatperwerî yê Kurdîstanî rê serweşîye wazenê. Ma soz danê ke hesreta embazanê xo mîyanê têkoşînî de bîyarê ca.''