Merkezê îrtîbatî û Çapemenîye yê HPGyî bi eşkerayîyêka nuştekîye nasnameyê 3 gerîlayanê ke şehîd bîyî eşkera kerdî.Eşkerayîye de nê ameyî parekerdene:

''Hemrayê ma Bawer Erûh û Ronî Dêrîk 24ê hezîrana 2021î de bombardumanê vera Herêmanê Pawitişî yê Medya de şehîd bîyî. Nasnameyê embezanê ma yê şehîdan wina yê:

Nameyê Qodî: Bawer Erûh Name û Peyname: Mehmet Emîn Ekîncî Cayê Bîyayîşî: Sêrt Maye-Pî: Fatma - Methî Tarîx û Cayê Şehadetî: 24ê Hezîrana 2021î / Herêmê Pawitişî yê Medya

Nameyê Qodî: Ronî Dêrîk Name û Peyname: Muhammed Şefik Îbrahîm Cayê Bîyayîşî: Dêrîk Maye-Pî: Buşra - Şefîk Tarîx û Cayê Şehadetî: 24ê Hezîrana 2021î / Herêmê Pawitişî yê Medya

Hemrayê ma Bawer Erûh qezaya Erûhî ya Sêrtî de roja 15 Tebaxa 1984î ke sey mîladê kurdan yena zanayene de  ameyo dinya û keyeyêko welatperwerî de bi tradîsyonê xoverdayîşî bîyo pîl.  Seranê xo yê ciwan de xeylêk rey ameyo destbendkerdene demo kilm ameyo  tepiştene. 2004 de reyna ameyo tepiştene û heta 2008 zîndan de mendo. Seba ke warê komelkî de îmkanê ci yê xebatî nêmendî 2011 de tewrê sefanê gerîlayan bîyo ke tim xeyalê ci kerdêne. Zagrosan de dest pê prakî kerd û operasyonê şorişgêrî yê gerîlayan  o ke serkêşîya fermandaranê bêmergan ra Şehîd Reşît Serdarî de ame kerdene û morê xo da serranê 2011 - 2012î ro de aktîf ca girewt. Hemrayê ma Bawerî ke tîya zaf tecrube kerd pêser û leze bi fermandar û her ca de wezîfeyê xo biserewtişî ardî ca. Heta şehadetê xo xeta xo ya rêxistinkîye ra çirey peyser game neêşte.

Hemrayê ma Ronî Dêrîk keyeyêko welatperwer ê Rojawanê Kurdîstanî de ameyo dinya û sey ferdêkê keyeyê fermandaranê ma yê bêmergan ra hemra Xebat Dêrîkî rewî ra têkoşînê azadîye nas kerd. Hemrayê ma Ronîyî ke wehşetê çeteyanê DAÎŞî rê şahîdîye kerde seba ke zîhnîyeto esasî yê nayî dewleta tirke ya, verê xo da koyanê Kurdîstanî  û heta hela peyêne qerardar vera nê zîhnîyetî şer kerd.

Hemrayê Cîlo Reşo 5ê tebaxa 2021î de warê Omeryanî yê Mêrdînî de pêkewtişêk de bihewayêkê qehremankî şer kerd û şehîd bi. Nasanemyê embazê ma yê şehîdî wina yo:

Nameyê Qodî: Cilo Reşo Name û Peyname: Suleyman Ozturk Cayê Bîyayîşî: Mêrdîn Maye-Pî: Meryem - Îbrahîm Tarîx û Cayê Şehadetî: 5ê Tebaxa 2021î / Mêrdîn

Embazê ma Cilo keyeyêko welatperwer ê Nisêbînî de ameyo dinya û pê ercanê welatperwerîye bîyo pîl. Hemareyê ma Cîloyî ke PKKyî nêzdî ra nas kerd tewrê sefanê gerîlayan bi. Roja verêne ya têkoşînî ra bi coş û qeradarîya pîle şi dişmenî ser û badê perwerdeyan û pratîkanê serkewteyan bi fermendar. Seba ke dişmenî ra hesab biperso waşt ke Vakûrê Kurdîstanî de gerîlatîye bikero û sey fermadarê serkêşî verê xo da eyaletê Mêrdînî. Tîya xeylêk çalakîyan de derbeyê pîlî dayî dişmenî ro. Hemra Cilo do tim sey astereyêkî roşnayîya xo bido ma.

Sere de keyeyê erjayeyî yê şehîdanê ma, şarê Erûh, Dêrîk û Nisêbînî û heme şarê welatperwerî yê Kurdîstanî rê ma serwaşîye wazenê û sozê serkewtişî newe kenê.