Merkezê Îrtîbatî û Çapemenîye yê HPGyî nasnemyê 3 gerîlayanê ke şehîd bîyî eşkera kerdî. Eşkerayîya HPGyî wina ya:

''Ma eşkerayîya xo ya 13ê temmuze de dabi eşnawitene ke 2ê temmuze de warê Axula yê qezaya Payîzava yê Wanî de operasyonêkê artêşa tirke ya îşxalkere de mabênê hêzanê ma û dişmenî de şerêk qewimîya. Nê şerî de embazê ma Azad, Kendal û Welat şehîd bîyî. Zanayîşê derheqê nasnameyanê embazanê ma de wina ye:

Nameyê Qodî: Azad Serhat Name û Peyname: Tahsîn Genez Cayê Bîyayîşî: Wan Maye-Pî: Harbiye-Halîs Tarîx û Cayê Şehadetî: 2ê Temmuza 2020î / Wan

Nameyê Qodî: Kendal Îbrahîm Name û Peyname: Îlyas Dûran Cayê Bîyayîşî: Colemêrg Maye-Pî: Xeme-Kûtbettîn Tarîx û Cayê Şehadetî: 2ê Temmuza 2020î / Wan

Nameyê Qodî: Welat Malazgîrt Name û Peyname: Firat Goren Cayê Bîyayîşî: Mûş Maye-Pî: Kudrete-Alî Tarîx û Cayê Şehadetî: 2ê Temmuza 2020î / Wan

Embazanê ma Welat, Kendal û Azad ê ke herêmanê cîyayan ê Kurdîstanî ra yê her tim îşxalê Kurdîstanî û zulmê vera kurdan hîs kerdî. Embazê ma bi na raştîye tewrê Têgêrayîşê Azadîye bîyî û wextêkê kilmî de bîyî profesyonel. Embazanê ma cepheyê xoverdayîşî de kedêka bêhempa daye. Botan de wextêkê dergî cepheyê xoverdayîşî de mendî û înan mîrasê Adil û Nûda pê fedayîtîye tacîdar kerd. Her hîrê embazanê ma pêro wezîfeyê xo bi temamî ardî ca û pê zerrînizmîya xo embazanê xo rê bîyî mîsal û moral. Embazanê ma Welat, Kendal û Azad nê wextê tarîxîyî de vera artêşa TCyî ya îşxalkere bi çêrî şer kerd û nameyê xo pê herfanê zerdan tarîxî ser o nuştî. Embazanê ma bi tewirê Agogîrî ferman da ma ke ma rayîrê serfirazîye de şorê.

Ma sere de keyeyanê embazanê ma yê erjîyayeyan rê pêro şarê Kurdîstanî yê welatperwerî rê serweşîye wazenê. Ma sond wanenê ke ma keda şehîdan bi serfîrazîye do tacîdar bikerê.''