Merkezê Îrtîbatî û Çapemenîye yê HPGyî nasnameyê 3 gerîlayan ê şehîdan eşkera kerdî.

Eşkerayîye wina ya:

''22ê sibata 2021î de dewa Xankê ya Metîna de hêrişêkê hewayî amebi kerdene. Nê hêrişî de embazê ma Eren, Karker û Tolhildan şehîd bîyî. Nasnameyê şehîdan wina yê:

Embazê ma Eren Kopê Mûşî de dadîya xo ra bîyo û metropolanê Tirkîya de bîyo pîl. La o qet hetê fikr û hîsî ra Kurdîstanî ra cîya nêbi. Emnaz Eren vera polîtîkaya asîmîlasyonî tewrê gerîlayan bi.  Ey kultur û exlaqê Apogîrîye kesayetê xo de mojna. Embaz Eren pê felsefeya Rayber Apoyî û perwerdeyê îdeolojîk û leşkerî bi milîtanêkê Apogîrîye.

Embaz Karker Meletî de dadîya xo ra bîyo û Ewropa de Têgêrayîşê Azadîye şinasna dima zî tewrê têkoşînî bi. Embaz Karkerî xeylêk waran de têkoşîn kerd û cade cuya koyan rê adapte bi. Ey seba ke pêro wezîfeyanê xo bîyaro ca têkoşîn kerd û milîtanîya Rayber Apoyî ra fek vera nêda. Bi nê hawayî zî o bi embazêko baş ê Rayber Apoyî.

Embaz Tolhildan Amed de dadîya xo ra bi û şehadetê apê xo ra dima tewrê têkoşînê azadîye bi. Embaz Tolhildanî têkoşîn de îdeolojîya Rayberîye nêzdî ra şinasna û pratîze kerde. Embaz Tolhildan pê bawer bi ke serkewtiş pê gerîlatîya profesyonel yena ca. Coka seba ke bibo gerîlayêko winasên ey kedêka pîl da.

Sere de keyeyan ê ercîyayeyan ê embazanê xo yê şehîdan rê ma pêro şarê welatperwerî yê Kurdîstanî rê serweşîye wazenê. Ma sozê xo dibare kenê ke ma do serfîrazîya ke xeyalê şehîdanê çêran bi bîyarê ca.''