Merkezê Îrtîbatî û Çapemenîye yê HPGyî nasnameyê hîrê şehîdan eşkera kerdî. Eşkerayîye wina ya:

''22yê adara 2018î de hêrişanê dişmenî yê vera Herêmanê Pawitişî yê Medya de embazê ma Rizgar, Hogir û Serhed şehîd bîyî. Ma nê embazanê xo bi rêz û hesrete yad kenê û soz danê ke do bibê perwerê vîrameyîşê înan. 

Ma ancî soz danê ke do bibê teqîbker, caardox û pawitoxê armanc û xeyalanê embazanê xo Rizgar, Hogir û Serhedî. Ma sere de keyeyanê şehîdanê xo yê ercîyayeyan rê pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Rizgar Bagok Name û Peyname: Yavuz Selîm Uluç Cayê Bîyayîşî: Mêrdîn Maye-Pî: Şeyha – Ferhan Tarîx û Cayê Şehadetî: 22yê Adara 2018î / Herêmê Pawitişî yê Medya

 

Nameyê Qodî: Hogir Hozan Name û Peyname: Ferhat Tekîn Cayê Bîyayîşî: Colemêrg Maye-Pî: Canê – Şefîk Tarîx û Cayê Şehadetî: 22yê Adara 2018î / Herêmê Pawitişî yê Medya

 

Nameyê Qodî: Serhed Ozalp Name û Peyname: Onder Geçer Cayê Bîyayîşî: Wan Maye-Pî: Selîme – Mehmet Salîh Tarîx û Cayê Şehadetî: 22yê Adara 2018î / Herêmê Pawitişî yê Medya

Embazê ma Rizgar Mêrdîn de dadîya xo ra beno. O hêverî tewrê xebatanê ciwanan beno û 2014 de verê xo dano koyan. O Besta de perwerde vîneno û dima derbazê Herêmanê PAwitişî yê Medya beno. Embazê ma Rizgar her warî de têkoşînêkê xurtî keno û xîret keno ke dişmenî ra qesasê embazanê ma bigêro. O heta şehadetê xo nêvindeno. Ma soz danê ke seba ke layîqê şehîdan bibê têkoşînê embaz Rizgarî ser bivisnê.

 

Embazê ma Hogir Şemzînan de dadîya xo ra beno. O binê tesîrê apê xo şehîdî de maneno û 2015 de bi qerardarî verê xo dano koyan. Embazê ma Hogir Herêmanê Pawitişî yê Medya de perwerde vîneno û şer keno. O taktîkanê gerîlayan de xo aver beno û her mewzîyê şerî de bi fedakarî û nefsqijîye şer keno.  Ma sey embazanê ey soz danê ke têkoşînê embaz Hogirî bivisnê serî û vîrameyîşê ey Kurdîstanê azadî de bipawê.

 

Embazê ma Serhed Qelqelîya Wanî de dadîya xo ra beno. Embazê ma Serhed hêverî tewrê xebatanê ciwanan beno û 2015 de tewrê gerîlayan beno. O cade adapteyê gerîlatîye beno û vera hêrişanê dişmenî bi qerardarî ler keno. O waranê şerî yê tewr çetinan de vernîya cepheyî de cagêno û beno şehîd. O peyê xo de mîrasê têkoşînêkê xurtî verdeno. Ma zî soz danê ke têkoşînê ey ser bivisnê û şexsê ey de xeyalanê pêro şehîdanê xo bîyarê ca.''