Merkezê Îrtîbatî û Çapemenîye yê HPGyî pê eşkerayîyêke nasnameyê 3 şehîdanê ke Dêrsim de şehîd bîyî dayî zanayene.

Eşkerayîya HPGyî wina ya:

''Ma eşkerayîya xo ya 4ê temmuze de da eşnawitene ke 24ê hezîrane de warê Neynikanî yê qezaya Pulurî yê Dêrsimî de mabênê hêzanê ma û artêşa TCyî ya îşxalkere de şer qewimîya û 3 embazê ma şehîd bîyî. Zanayîşê derheqê embazanê ma yê şehîdan de wina yê:

Nameyê Qodî: Savaş Fırat Name û Peyname: Yahya Atmaca Cayê Bîyayîşî: Muş Maye-Pî: Şerefnaz – Enver Tarîx û Cayê Şehadetî: 24ê Hezîrana 2020î  / Dêrsim

Nameyê Qodî: Argeş Avaşin Name û Peyname: Osman İşleyen Cayê Bîyayîşî: Van Maye-Pî: Güleser – Maşallah Tarîx û Cayê Şehadetî: 24ê Hezîrana 2020î  / Dêrsim

Nameyê Qodî: Şiyar Agirî Name û Peyname: Metin Cilo Cayê Bîyayîşî: Ağrı Maye-Pî: Cevahir – Ahmet Tarîx û Cayê Şehadetî: 24ê Hezîrana 2020î  / Dêrsim

Fermandar Savaş û embazanê ma Argeş û Şîyar xeta Rayber Apoyî de vera TCyê kolonyalîstî heta guleyanê xo yê peyênan şer kerd.

Têkoşînê xo yê 10 serran de embaz Savaş pê felsefeya Rayber Apoyî bi şerwanê raştîye. Embaz Yoldaş serra 2009î ra nata Dêrsim de tewr vernî de şer kerd û heqê pêro zorîyan ra ame. Embaz Savaş pê ked û jîyatîya xo tim ame heskerdene û ci rê hûrmet ame mojnayene.

Embazê ma Savaş, Argeş û Şîyar ê ke bîyî şahîdê asîmîlasyonû kolonyalîzmê dewleta TCyî ya îşxalkere, seba azadîya şarê kurdî tewrê têkoşînî bîyî. Embazanê ma erdê fîrazî yê Dêrsimî de dest pê gerîlatîye kerd û ê bîyî çêrê Dêrsimî.

Embazanê ma vera bi hezaran leşkeran û teknîkê dewleta TCyî yê kolonyalîstî vera dişmenan şer kerd. Xoverdayîşê embazanê ma Savaş, Argeş û Şîyarî mojna kerd îradeyê merdiman vera teknîkî qey bin nêkeweno. Embazê ma dima ke derbê giranî dayî artêşa tirke ro şehîd bîyî.

Ma sere de keyeyanê embazan ê ma yê erjîyayeyan rê, pêro şarê Kurdîstanî rê serweşîye wazenê û soz danê ma do mîrasê şehîdan biresnê serfîrazîye.''