Merkezê Îrtîbatî û Çapemenîye yê HPGyî pê eşkerayîyêke nasnameyê 3 şehîdan eşkera kerdî. Eşkerayîye wina ya:

''18ê nîsane de bombardumananê vera Metîna de embazê ma Agît Rojhelat, Çekdar Cûdî û Şerwan Kobanê şehîd bîyî. Nasnameyê embazanê ma yê şehîdan wina yê:

Embaz Agît şaristanê Îlamî yê Rojhelatê Kurdîstanî de dadîya xo ra bi û serra 2002î de Qendîlî ra tewrê gerîlayan bi. Embaz Agîto ke kelhorî zanayêne cade sorankî û kurmanckî zî musa. Embaz Agît Şehîd Çîçeke Kitî ra perwerdeyê xo yo verên girewt û tesîrê ey kerd. Embaz Agît Qendîlî ra heta Xinêre, Zagrosan ra heta Metîna û Heftanînî xeylêk cayan de xebitîya û tewrê Hêzanê Taybetan bi. Embaz Agît pê xeta xo ya têkoşînî û tewirê xo yê bêteredutî wextêkê kilmî bi kadroyê PKKyî. Embaz Agît wextê îşxalê Kerkûkî yê DAÎŞî de pê hîşmendîya welatperwere derbazê Kerkûkî bi û şaristan cergan ra pakî kerd, bi mazharê heskerdişê şarê Kerkûkî. Embaz Agît dima sey fermandarê gerîlayan derbazê herêma Metîna bi û wextêk sey Endamê Fermandarîya Eyaletê Metîba xebitîya. Embaz seba awankerdişê bingeyê Hemleya Şorişgêre ya Cengê Xabûrî xeylêk kede daye. Embaz Agît hem seba şarê ma yê kelhorî hem azî seba ma embazanê ci sembolêko neteweyî yo û fermandarêko Apogîr o mîsal o.

Embazê ma Çekdar Cûdî Mêrdîn de dadîya xo ra bi la keyeyê ci tedaya dewleta faşîste ra koçê metropolan kerd. Embaz Çekdarî uca de asîmîlasyon red kerd, tewrê karanê ciwanan bi û 2010î de tepişîya serrêke zîndan de mend. Dima ke zîndan ra vejîya embaz Çekdar 2011 de tewrê gerîlayan bi. Embaz Çekdarî Akademîya Apollonî de perwerde dî û pê waştişê xo Vakurê Kurdîstanî de gerîlatîye kerde. Embaz Çekdar Metîna de sey fermandarê yewine wezîfe kerd û xeylêk çalakîyanê serkewteyan rê rayberîye kerde.

Embaz Şervan Kobanê de dadîya xo ra bi û dima ke Şorişê Rojawanî de rîyo qetilker ê dewleta tirke di bi coşî koyanê Kurdîstanî de tewrê gerîlayan bi. Embaz Şervanî ca de cuya gerîlatîye musa û xîret kerd ke derbe bido dişmenî ro. Embaz Şervan bi nê waştişî cuya herêma Metîna bi û pê embazîya xo ya samîmî zerrîya her kesî de ca girewt. Embaz Şervan wezîfeyê xo ser de embaz Agît û Şervanî reyde şehîd bi.

Embazî Agît, Çekdar û Şervan sey ruhê fedayî yê Apogîrî, embazîya raştikêne ya PKKyî û fermandarê mîsalî yê xeta gerîlatîya newîye tim do vîran de bibê û xeyal û armancê înan Kurdîstanê Azadî de Rayberîya Azadî reyde do bêrê caardene.

Sere de keyeyanê ercîyayeyan ê şehîdanê ma rê û şaranê Kelhor, Kerboran û Kobanî rê ma pêro şarê welatperwerî yê Kurdîstanî rê serweşîye wazenê.''