HPGyî nasnameyê çar şehîdanê Zap û Avaşînî eşkera kerdî û vat: ''Ma do embazanê ma Rêber, Armanc, Botan û Çîya xo rê mîsal bigêrê û alaya înan a têkoşînî berz bikerê, bi serfîrazî tacîdar bikerê.''
Merkezê Îrtîbatî û Çapemenîye yê HPGyî bi eşkerayîyêke nasnameyê 4 gerîlayanê şehîdan eşkera kerdî.
Eşkerayîye wina ya:
''Ewladê tewr qîmetînî yê şarê ma û milîtanê tewr bêhampayî yê partîya ma Rêber, Armanc, Botan û û Çîya şehîd bîyî. Nê embazanê ma vera dewleta tirke ya kolonyalîste şer de xeta fedayîtîye de têkoşîn pîl kerd û şer kerd. Embazê ma Rêber, Armanc, Botan û û Çîya sey fermandar û şerwanê fedayîyî netîceya şerê çêrî de şehîd bîyî. Ma do embazanê ma Rêber, Armanc, Botan û Çîya xo rê mîsal bigêrê û alaya înan a têkoşînî berz bikerê, bi serfîrazî tacîdar bikerê.
Nasnameyê embazanê ma yê şehîdan wina yê:
|
|
Nameyê Qodî: Rêber Andok Name û Peyname: Veysel Dîrî Cayê Bîyayîşî: Amed Maye-Pî: Munevvere– Şehmus Tarîx û Cayê Şehadetî: Nîsana 2022yî / Avaşîn |
|
|
Nameyê Qodî: Armanc Kurdo Name û Peyname: Baran Doymaz Cayê Bîyayîşî: Semsûr Maye-Pî: Fatma – Şeyho Tarîx û Cayê Şehadetî: Nîsana 2022yî / Avaşîn |
|
|
Nameyê Qodî: Botan Amed Name û Peyname: Ahmet Yener Cayê Bîyayîşî: Amed Maye-Pî: Netîce – Garîp Tarîx û Cayê Şehadetî: Nîsana 2022yî / Zap |
|
|
Nameyê Qodî: Çiya Garzan Name û Peyname: Saît Gencer Cayê Bîyayîşî:Îİstanbul Maye-Pî: Cemîle – Abdulhadî Tarîx û Cayê Şehadetî: Nîsana 2022yî / Zap |
Embaz Rêber Amed de dadîya xo ra bîyo. Embaz Rêber 2011 de Amedî ra verê xo da koyan. Embaz Rêber cade cuya gerîlatîye musa û 2014 de vera hêrişanê DAÎŞî Şingal de şer kerd. Embaz Rêberî dima şerê Rojawanî yê vera DAÎŞî de zî ca girewt û azadîya Rojawanî de kedêka pîle arde ca. Embaz Rêberî dima ke agêra koyan mîyanê Hêzanê Taybetan de ca girewt û rayîrê fermandarîye de şi. Ey şerê Avaşînî yê 2021î de bi fedayîtî derbî dayî dişmenî ro. Embaz Rêber tim do mîyanê têkoşînê ma de biciwîyo.
Embaz Armanc Kurdo Semsûr de dadîya xo ra bîyo. Xalê ey Îmam Ergenîk 1985 de, kênaya apê ey Zeynepe Ergenîk (Bêrîvane) 1992 de, amika ci Makbule Doymaz (Fîdane) 1994 de û apê ci Hasan Doymaz 1995 de têkoşînê azadîye de şehîd bibî. Embaz Armanc zî rêçê şehîdanê keyeyê xo de şi û 2014 de wexto ke Samsun de zanîngeh de wendêne verê xo da koyan. Embaz Armancî Garê de dest pê gerîlatîye kerd, dima Hêzanê Taybetan de ca girewt û tecrubeyê pîlî vistî destî. Embaz Armanc tewr peyên derbazê Zapî bi, mîyanê Hemleya Bazanê Zagrosî de vera hêrişanê dişmenî bi çêrî şer kerd. Embaz Armanc bi hawayêkê destanwarî nê şerî de şehîd bi.
Embaz Botan Amed de dadîya xo ra bîyo. Embaz Botan zî rêçê xalanê xo yê şehîdan de şi û tewr ver mîyanê Şorişê Rojawanî de ca girewt. Embaz Botanî Şorişê Rojawanî ra dima verê xo da koyan. Ey serra 2020î de mîyanê Hêzanê Taybetan de ca girewt û bi kesayetê xo mazharê pêro heskerdiş û hûrmetê embazanê xo bi. Embaz Botanî pêro erkê xo bê kêmasî ardî ca û pê marîfetê xo mîyanê serebûtanê girîngan de ca girewt. Embaz Botanî Zap de vera hêrişanê îşxalî yê dişmenî şer kerd, derbê giranî dayî dişmenî ro. Embaz Botan menga gulane de ke menga şehîdan a, şehîd bi.
Embaz Çîya mîyanê keyeyêkê bedlîsijî de Îstanbul de dadîya xo ra bîyo. Grevê zîndanan ê 2019î, ra dima embaz Çîyayî bire daye ke tewrê gerîlayan bibo û naye ser o verê xo da koyan. Embaz Çîyayî seba ke xo hîna zaf aver bero, mîyanê Hêzanê Taybetan de ca girewt û kerd ke bibo gerîlayêko profesyonel. Embaz Çîya perwerde û tecrubeyan ra dima bi fermandarêkê gerîlayan û her hele de kedêka pîle daye têkoşînî. Embaz Çîya pê kesayet, tewir û milîtanîya xo xeta şehîdan bi qîmî temsîl keno.
Ma sere de keyeyanê ercîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê. ''
