Merkezê Îrtîbatî û Çapemenîye yê HPGyî nasnameyê di şehîda eşkera kerdî. Eşkerayîye wina ya:

''5ê êlula 2021î de Herêmanê Pawitişî yê Medya de hêrişê dişmenî de embazê ma Kemal û Davranî şehîd bîyî. Ma wird embazanê xo serrgêra şehadetê nînan de bi rêzî û minetî yad kenê. Ma soz danê ke têkoşînê embazaê xo bivisnê serfîrazîye.

Embazê ma Kemal û Devran vera îşxalkeran bîyî temsîlkarê hêrsê bêpeynî yê ciwananê kurdan. Sere de keyeyanê embazanê xo yê şehîdan rê ma pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Embazê ma Kemal mîyanê keyeyêkê agirîjî de Îstanbul de dadîya xo ra beno. O hêverî tewrê xebatanê ciwanan beno û dima zî 2011 de, Dêrsimî ra verê xo dano koyan. O Dêrsim de perwerde vîneno û wextêk tîya de maneno. Dima Cûdî de erk kenı. Embazê ma Kemal Herêmanê Pawitişî yê Medya de bi xurtî tewrê şerî beno, vera dişmenî çalakîyanê serkewteyan de cagêno û xoverdayîşê xo aver beno. Embazê ma Kemal peyê xo de mîrasêkê têkoşînî yê zengînî verdano.

Embazê ma Devran Silopîyaya Şirnexî de dadîya xo ra beno. O domanîya xo ra nata xeyalê gerîlabîyayîşî keno û naye ser o 2015 de Botanî ra tewrê gerîlayan beno. Embazê ma Devran bi tim bi hawayêkê dîsîplînkerdeyî û fedayîyî têgêreno. O bi perwerdeyan xo aver beo û beno gerîlayêko profesyonel. Embaz Devran Herêmanê Pawitişî yê Medya de xeylêk waranê xoverdayîşî de têkoşîn keno û bi hêrsî cewab dano hêrişanê dişmenî. O bi têkoşîn û xoverdayîşê xo embazanê xo rê zî beno nimûne.''