HPGyî nasnameyê di şehîdan eşkera kerdî

HPGyî nasnameyê di şehîdan eşkera kerdî û vat: ''Embazanê ma Dilgeş û Mazlûmî vera dişmenî xeta fedayîtîye de serkêşîya xoverdayîşî kerde û ma rê mîrasê têkoşînêkê pîlî verda.''

Merkezê Îrtîbatî û Çapemenîye yê HPGyî bi eşkerayîyêke nasnameyê di şehîdan eşkera kerdî. Eşkerayîye wina ya:

''Fermandaranê serkêşan ê Hemleya Şorişgêre ya Bazanê Zagrosî ra Dilgeş Başkale û embazê ma yo enternasyonalîst û qedrgiran Mazlûm 30ê gulana 2021î de hêrişanê dewleta tirke ya îşxalkere de şehîd bîyî. Embazanê ma Dilgeş û Mazlumî bi serran Zap de şerwanîye ra heta fermandarîye her aste de wezîfe kerd, averberdişê Hemleya Bazanê Zagrosî û vera dişmenî xeta fedayîtîye de serkêşîya xoverdayîşî kerde û ma rê mîrasê têkoşînêkê pîlî verda. Ma zî sey embazanê înan soz danê ke serê rêçê Mazlûm û Dilgeşî de şorê, layîqê înan bibê û têkoşînê înan bi serfîrazî tacîdar bikerê.

Nasnameyê embazanê ma yê şehîdan wina yê:

Nameyê Qodî: Dilgeş Başkale

Name û Peyname: Taner Kaya

Cayê Bîyayîşî: Wan

Maye-Pî: Ayşe – Abdullah

Tarîx û Cayê Şehadetî: 30ê Gulana 2021î / Herêmê Pawitişî yê Medya

Nameyê Qodî: Mazlum Berxwedan

Name û Peyname: Hasan Salîm Selmo

Cayê Bîyayîşî: Qamişlo

Maye-Pî: Medîne – Salim

Tarîx û Cayê Şehadetî: 30ê Gulana 2021î / Herêmê Pawitişî yê Medya

Embazê ma Dilgeş Elbaqê Wanî de dadîya xo ra beno.  Embaz Dilgeş hema ciwanîya xo de şahidê polîtîkayanê dişmenî beno û vera ney 2013 de tewrê gerîlayan beno. O Zap de dest pê têkoşînî keno. 2013-2016 de Zap de fermandarîya tîm û taximan keno, 2016 de fermandarîya alaye keno û 2017-2019 de zî fermandarîya yewinan keno. O pê kesayetê xo beno mazharê heskerdiş û hûrmetê embazanê xo. O nê prosesî de çim û baska xo ra birîndar beno la dima agêreno çeperan. 2019 de o Akademîya Mahsum Kokrmazî de perwerde gêno û beno fermandarêko hîna marîfetîn.

2020 de o reyna agêreno Zap û tîya de têkoşîn keno. Embaz Dilgeş derbanê giranan dano dişmenî ro, serkêşîya çalakîyanê serkewteyan keno û beno milîtanêko serkêş. Ma soz danê ke şexsê ey de qesasê pêro şehîdan bigêrê.

Embaz Mazlûmo ke eslê xo de ereb o, Qamişlo de dadîya xo ra beno.  O beno şahidê Şorişê Rojawanî, vera DAÎŞî şer keno û dima verê xo dano koyanê Kurdîstanî beno gerîla. Embaz Mazlum perwerdeyan ra dima waştişê xo ser o derbazê Zapî beno û tîya de bi coşî têkoşîn keno. O xeylêk çalakîyan de serkêşîye keno û pê tewirê xo yê qehremanî embazanê xo rê beno çimeyê moral û hêzî. Tewrbîyayîşê embaz Mazlûmî beno mîsalanê tewr musbetan ê wayûbiratîya ereb û kurdan a seserre.

Ma sere de keyeyanê înan ê ercîyayeyan rê pêro şarê welatperwerî yê Kurdîstanî rê serweşîye wazenê.''